Первое послание к Тимофею 2

2
1Молю убо прежде всех творити молитвы, моления, прошения, блгодарения за вся человеки, 2за царя и за всех, иже во власти суть, да тихое и безмолвное житие поживем во всяцем благочестии и чистоте: 3сие бо добро и приятно пред спасителем нашим Богом, 4иже всем человеком хощет спастися и в разум истины приити. 5Един бо есть Бог, и един ходатай Бога и человеков, Человек Христос Иисус, 6давый себе избавление за всех: свидетелство времены своими, 7в неже поставлен бых аз проповедник и апостол, истину глаголю о Христе, не лгу, учитель языков в вере и истине. 8Хощу убо, да молитвы творят мужие на всяцем месте, воздеюще преподобныя руки без гнева и размышления: 9такожде и жены во украшении лепотнем, со стыдением и целомудрием да украшают себе не в плетениих, ни златом, или бисерми, или ризами многоценными, 10но, еже подобает женам обещавающымся благочестию, делы благими. 11Жена в безмолвии да учится со всяким покорением: 12жене же учити не повелеваю, ниже владети мужем, но быти в безмолвии. 13Адам бо прежде создан бысть, потом же ева: 14и адам не прельстися, жена же прельстившися, в преступлении бысть: 15спасется же чадородия ради, аще пребудет в вере и любви и во святыни с целомудрием.

Выделить

Поделиться

Копировать

None

Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь

YouVersion использует файлы cookie, чтобы персонализировать ваше использование приложения. Используя наш веб-сайт, вы принимаете использование нами файлов cookie, как описано в нашей Политике конфиденциальности