1-Петру 4
4
Аллагь патал уьмуьр
1Гьа икӀ, Месигьди бедендалди азабар чӀугун себеб яз, куьнни ахьтин кардиз гьазур хьухь, гьикӀ лагьайтӀа бедендалди азаб чӀугвазвайда гунагьдин гьукумдик кваз уьмуьр тухун акъвазарнава. 2Гьа чӀавуз ада чилел уьмуьрдикай амай пай инсандиз хас гьевесрин ваъ, Аллагьдин къастунин идарадик кваз уьмуьр тухуда. 3Куьне бутпересри тухузвай хьтин уьмуьрдин къайда жезмай кьван яргъалди кьиле тухванай, явавилиз, гьевесриз, сархушвилиз, кьенер алачир чиркин крар галай тӀуьн-хъунриз ва такӀан къведайвал бутриз икрам авуниз кьил янай. 4Гьавиляй, куьне мад чпихъ галаз явавилера иштирак ийизмач лугьуз, бутпересар мягьтелни жезва, квекай пис гафарни рахазва. 5Амма вири крарай абуру чан алайбурунни кьейибурун дуван ийиз Гьазурдан вилик гьахъ-гьисаб ийида. 6Гьавиляй Шад Хабар кьейибурувни агакьарнай, и хабар вичив агакь тийир садни авач, абурувай, бедендалди кьенватӀани, руьгьда аваз, Аллагьди лугьузвайвал уьмуьр тухуз жедайвал авуна.
7Мукьвара виридан эхир жеда. Гьавиляй, куьн датӀана дуьа ийиз жедай гьалда хьун патал, куьне акьулдин дуьзвал хуьх, уях яз хьухь. 8Виридалайни вилик вафа гваз садаз сад кӀан хьухь, вучиз лагьайтӀа «муьгьуьббатди гзаф гунагьар тахьай мисал ийизва»#Келимаяр 10:12.. 9Шикаят тийиз, сада сад мугьманвилин адетар хвена илифариз хьухь. 10Аллагьдин гзаф жуьрейрин берекатдиз хъсандиз къуллугъзавайбуру хьиз, сада садаз гьардаз ганвай паюналди къуллугъ ая. 11Лугьузвайда и кар Аллагьдин гафар лугьузвайда хьиз авун лазим я. Къуллугъ ийизвайда къуй Аллагьди гузвай къуватдалди къуллугъ авурай. Къуй и вири крара Иса Месигьдин куьмекдалди Аллагь машгьур хьурай. Баркаллани асиррай асирриз физвай къуват Гьадаз хьурай, амин.
Иман патал азабар
12КӀанибур, куьн цӀай квай синагърай финиз мажбур хьунал мягьтел жемир, ина аламат жедай са затӀни авач. 13Аксина, Месигьдин азабра куьнени иштирак ийизва лагьана шад хьухь; гьикӀ лагьайтӀа Адан баркалла квез ахъа хьайи чӀавузни куьн шад жеда ва куьне хвешивилер ийида. 14Месигьдин ТӀвар кьунай куь намусдик хкуьрзаватӀа, квел нуьсрет ала, им акӀ лагьай чӀал я хьи, баркалладин Руьгьди – Аллагьдин Руьгьди – квел бине кьунва. Абуру Аллагьдиз асивалзава, куьне, лагьайтӀа, Ам машгьурзава. 15Кьилинди квекай садани ивикъич#4:15 Ивикъич – инсан яна кьейи кас. хьана ва я угъри хьана, ва я зулумкар хьана, ва я масадан крара вичин кьил твазвай кас хьана азаб чӀугун тавун я. 16Амма са ни ятӀани месигьи яз азаб чӀугвазватӀа, къуй адаз регъуь тахьурай, вичел ахьтин ТӀвар ала лугьуз Аллагьдиз шукур авурай. 17Вучиз лагьайтӀа Дувандин вахт алукьнава, дуван Аллагьдин кӀвалелай гатӀум жеда. Ам чалай гатӀум хьайитӀа, Аллагьдин Шад Хабардиз табий тахьайбурун эхир гьихьтинди жедатӀа фагьум ая.
18 «Гьахъ-михьи касдиз хилас жез регьят туштӀа,
чалкечирризни гунагькарриз жедайди вуч хьуй?» #
Келимаяр 11:31.
19Гьавиляй Аллагьдин къастуналди азаб чӀугвазвайбуру къуй чпин уьмуьр чпивай далу акализ жедай Халикьдин гъиле турай ва хъсанвал авун давамаррай.
Выбрано:
1-Петру 4: ЛезПК
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2010-2024