ᒫᔪᐦᐧᑖᑦ ᐧᒑᓐ ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ
ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ
ᐋᔪᐎᒄ ᐅᔮᔨᐤ ᒥᓯᓂᐦᐄᑭᓂᔨᐤ ᐹᔨᒄ ᐊᓂᔮᔨᐤᐦ ᑳ ᓃᔓᔖᐳᔨᒡ ᒌᓴᔅ ᐅᒋᔅᒋᓂᐦᐊᒧᐙᑭᓐᐦ ᑳ ᒥᓯᓂᐦᐋᒥᔨᒡ᙮ ᐋᔪᐎᑯᓐᐦ ᐅᔮᔨᐤᐦ ᒞᓐ ᑳ ᐃᔑᓂᐦᑳᓱᔨᒡ᙮ ᐊᓂᔮᔨᐤᐦ ᒋᔅᒋᓂᐦᐊᒧᐙᑭᓐ ᒌᓴᔅ ᑳ ᓵᒋᐦᐋᑦ ᒌ ᐃᔑᓂᐦᑳᑖᑭᓂᐤ ᐆ ᒞᓐ᙮ ᒌ ᒥᓯᓂᐦᐋᒻ ᒞᓐ ᐅᔮᔨᐤ ᒥᔻᒋᒧᐎᓂᔨᐤ ᒑ ᒌ ᐅᐦᒋ ᑖᑆᐦᑎᒥᔨᒡ ᐊᐙᔨᐤᐦ ᒌᓴᔅ ᐋᐅᒄ ᙭ ᒋᔖᒥᓂᑑ ᐅᑯᓯᔅᐦ ᐋᒄ ᒫᒃ ᑖᑆᐦᑎᒥᔨᒑ ᒑ ᒌ ᐃᔮᔨᒡ ᐱᒫᑎᓰᐎᓂᔨᐤ᙮ ᒋᐐᐦ ᐙᐱᐦᑏᔨᐙᐤ ᒞᓐ ᐊᓂᔮᔨᐤᐦ ᒥᓯᐙ ᑖᓐ ᑳ ᐄᔨᔨᒡ ᒌᓴᔅ ᑭᔮᐦ ᐊᓂᔮᔨᐤ ᒥᓯᐙ ᑖᓐ ᑳ ᐄᔑ ᑐᑎᒥᔨᒡ ᓂᓈᐦᑭᐤ ᒫᒥᔥᑳᒡ ᒑᒀᔨᐤ ᐋᑯᑖᐦ ᑳ ᐅᐦᒋ ᒋᔅᒑᔨᐦᑖᑯᓃᔨᒡ ᑖᑆᐦ ᐋ ᒋᔖᒥᓂᑑᑦ᙮ ᒋᐐᐦ ᐙᐱᐦᑏᔨᐙᐤ ᑖᓐ ᑳ ᐃᔥᐱᔥ ᓲᐦᑳᑎᓰᔨᒡ ᒌᓴᔅ᙮ ᐋᔨᐤᐦ ᒫᒃ ᒸᐦᒡ ᐋ ᒌ ᓈᐹᐎᔨᒡ ᒧᔮᒻ ᒌᔮᓂᐤ᙮ ᒌ ᐐᐦᑎᒻ ᓂᔮᓂᑯᑐᓐᐦ ᐋ ᒌ ᐃᔮᔅᑯᓰᔨᒡ ᑭᔮᐦ ᓂᔮᓂᑯᑐᓐᐦ ᐋ ᒌ ᓰᐅᑖᔨᒡ ᑭᔮᐦ ᒫᒃ ᐋ ᒌ ᒥᒑᔨᐦᑎᒥᔨᒡ ᒧᔮᒻ ᒌᔮᓂᐤ ᐋ ᑎᔨᐦᒄ ᒫᓐ᙮
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2016, Wycliffe Bible Translators, Inc. All rights reserved.