Аман өһө 18
18
1Дьонтон туора туттааччы бэйэтэ билэринэн сылдьар,
сиэрдээх сүбэни-аманы иһиттэҕинэ, үөхсэр.
2Акаары уһуну-киэҥи толкуйдуу да барбат –
өйдөөҕүмсүйэрин эрэ билэр.
3Сидьиҥ киһи сэнэбилгэ сылдьар,
куһаҕан киһи аата алдьанар.
4Киһи тыла-өһө – чөҥөрө чүөмпэ,
муударас төрдө – сүүрүктээх үрэх.
5Сиэрэ суох быһыы – хара дьайдааҕы быыһаан ылыы,
кырдьыксыты көнө дьүүлтэн матарыы.
6Хоҥ мэйии иирээни тардар,
хой баһын туойан кырбанар.
7Акаары киһи тылыттан иэдэйэр,
айах мээнэ тыллаһан киирэн биэрэр.
8Хобуоччу тыла-өһө минньигэһэ сүрдээх –
искэр-үөскэр дириҥник өтөн киирэр.
9Сүрэҕэ суох үлэһит да, хорон сиэччи да –
иккиэн ини-биилиилэр.
10 Айыы Тойон аата – халыҥ хахха, суон дурда:
кырдьыксыт онно хорҕойон быыһаныаҕа.
11Баай киһиэхэ үбэ-аһа – бөҕө кириэппэһэ;
санаатыгар, ол эркинин туох да хотутар кыаҕа суох.
12Үрдүктүк санаммыт үгдэрийэр,
оттон көрсүө-сэмэй чиэстэнэр.
13Ситэ истибэккэ эрэ хоруйдааһын –
ааргы быһыы, сааттаах суол.
14Күүстээх санаалаах киһи ыарыыны тулуйар,
оттон кута-сүрэ тостубут хайдах туруулаһыаҕай?
15Ким өйдөөх, ол билиитин хаҥатар,
ким муударай, ол билиигэ-көрүүгэ тардыһар.
16Бэлэх-туһах аан аһар –
тойотторго аһардар.
17Суукка бастакынан этинээччи көрдөрүүтэ өрүү сөптөөх курдук эрээри,
утарсааччыта кэлэн, кини эппитин тургутан көрөр.
18Түөрэх кэбиһии мөккүөрү быһаарар,
күүстээх утарсааччылары араарар.
19Хомоппут быраатыҥ хатаммыт кириэппэс кэриэтэ#18:19 Хомоппут быраатыҥ хатаммыт кириэппэс кэриэтэ – Былыргы еврей тылынан суруллубут тиэкис бу кэрчигин ис хоһооно чуолкайа суох.,
өстөһүү – олбуор аанын олунуу.
20Саҥарбытыҥ бэйэҕэр салаллыа,
эппитиҥ бэйэҕэр эргиллиэ.
21Тыл киһини өлөрөр да, өрүһүйэр да күүстээх;
ким тылга тииһэр, ол элбэххэ эппиэттиир.
22Үчүгэй дьахтары ойох ылбыт киһи күндү баайдаммыт,
Айыы Тойон үтүөкэн бэлэҕин ылбыт.
23Дьадаҥы ааттаһан саҥарар –
баай хаҕыстык хардарар.
24Сорох сымыйанан доҕор-атас буолан кубулунар#18:24 Сорох сымыйанан доҕор-атас буолан кубулунар – Сорох былыргы тылбааска Элбэх атастаах алдьанар, эбэтэр, Сорох доҕордоһуу уһаабат.,
ол эрээри ардыгар бырааккынааҕар да таптыыр доҕор баар буолар.
Выбрано:
Аман өһө 18: СБК
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2008-2022
Аман өһө 18
18
1Дьонтон туора туттааччы бэйэтэ билэринэн сылдьар,
сиэрдээх сүбэни-аманы иһиттэҕинэ, үөхсэр.
2Акаары уһуну-киэҥи толкуйдуу да барбат –
өйдөөҕүмсүйэрин эрэ билэр.
3Сидьиҥ киһи сэнэбилгэ сылдьар,
куһаҕан киһи аата алдьанар.
4Киһи тыла-өһө – чөҥөрө чүөмпэ,
муударас төрдө – сүүрүктээх үрэх.
5Сиэрэ суох быһыы – хара дьайдааҕы быыһаан ылыы,
кырдьыксыты көнө дьүүлтэн матарыы.
6Хоҥ мэйии иирээни тардар,
хой баһын туойан кырбанар.
7Акаары киһи тылыттан иэдэйэр,
айах мээнэ тыллаһан киирэн биэрэр.
8Хобуоччу тыла-өһө минньигэһэ сүрдээх –
искэр-үөскэр дириҥник өтөн киирэр.
9Сүрэҕэ суох үлэһит да, хорон сиэччи да –
иккиэн ини-биилиилэр.
10 Айыы Тойон аата – халыҥ хахха, суон дурда:
кырдьыксыт онно хорҕойон быыһаныаҕа.
11Баай киһиэхэ үбэ-аһа – бөҕө кириэппэһэ;
санаатыгар, ол эркинин туох да хотутар кыаҕа суох.
12Үрдүктүк санаммыт үгдэрийэр,
оттон көрсүө-сэмэй чиэстэнэр.
13Ситэ истибэккэ эрэ хоруйдааһын –
ааргы быһыы, сааттаах суол.
14Күүстээх санаалаах киһи ыарыыны тулуйар,
оттон кута-сүрэ тостубут хайдах туруулаһыаҕай?
15Ким өйдөөх, ол билиитин хаҥатар,
ким муударай, ол билиигэ-көрүүгэ тардыһар.
16Бэлэх-туһах аан аһар –
тойотторго аһардар.
17Суукка бастакынан этинээччи көрдөрүүтэ өрүү сөптөөх курдук эрээри,
утарсааччыта кэлэн, кини эппитин тургутан көрөр.
18Түөрэх кэбиһии мөккүөрү быһаарар,
күүстээх утарсааччылары араарар.
19Хомоппут быраатыҥ хатаммыт кириэппэс кэриэтэ#18:19 Хомоппут быраатыҥ хатаммыт кириэппэс кэриэтэ – Былыргы еврей тылынан суруллубут тиэкис бу кэрчигин ис хоһооно чуолкайа суох.,
өстөһүү – олбуор аанын олунуу.
20Саҥарбытыҥ бэйэҕэр салаллыа,
эппитиҥ бэйэҕэр эргиллиэ.
21Тыл киһини өлөрөр да, өрүһүйэр да күүстээх;
ким тылга тииһэр, ол элбэххэ эппиэттиир.
22Үчүгэй дьахтары ойох ылбыт киһи күндү баайдаммыт,
Айыы Тойон үтүөкэн бэлэҕин ылбыт.
23Дьадаҥы ааттаһан саҥарар –
баай хаҕыстык хардарар.
24Сорох сымыйанан доҕор-атас буолан кубулунар#18:24 Сорох сымыйанан доҕор-атас буолан кубулунар – Сорох былыргы тылбааска Элбэх атастаах алдьанар, эбэтэр, Сорох доҕордоһуу уһаабат.,
ол эрээри ардыгар бырааккынааҕар да таптыыр доҕор баар буолар.
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2008-2022