Известные библейские стихи из LOS HECHOS 3

Поделиться

Bi' cha' ntsu'u cha' ca tyuju'u ti' ma̱ ji'i̱ lcaa cha' cuxi nu ntsu'u tyiquee ma̱ ji'i̱, cuati jña ma̱ cha' clyu ti' ji'i̱ ycui' Ndyosi cha' cuityi̱ Ni lcaa cha' cuxi nu ngua'ni ma̱. Cua'ni nu Xu'na na cha' taca ca tso'o cresiya ji'i̱ ma̱ chaca quiya' li'.

―Ná ntsu'u cñi jna' ―nacui̱ Pedro ji'i̱―, chaca lo cña ntsu'u jna' cha' cua'ni na' lo'o nu'u̱ ―nacui̱―. ¡Chacuayá' ji'i̱ Jesucristo Nazaret ni!, tyatu̱ nu'u̱ cha' tya'a̱ nu'u̱ ycui' ti.

Li' ngusñi Pedro ya' yu tsu' cui̱ cha' xatu̱ ji'i̱ yu li'. Hora ti ngua tso'o quiya' yu, lo'o yane quiya' yu ngua tso'o. Tajua' tsa ndatu̱ yu bi', nguxana yu ndya'a̱ yu li'; ndyatí̱ yu ndyaa yu ne' laa tonu lo'o ngu' bi' li', ndya'a̱ yu ndyacua̱ yu cha' chaa tsa ti' yu, cha' ngua tso'o quiya' yu ndya'a̱ yu. Ngua'ni tlyu yu ji'i̱ ycui' Ndyosi cha' ngua'ni Ni cha' ngua tso'o quiya' yu.

’Cua nslo ma̱ ji'i̱ nu qui'yu re nu ngua quicha yu nquicha' ―nacui̱ Pedro ji'i̱ ngu'―. Lo'o juani cua ngua'ni Jesús cha' ndyaca tso'o yu re, xqui'ya cha' jlya ti' ya ji'i̱ Jesús. Nchca tsa ji'i̱ nu Jesús bi' cua'ni cha' tyaca tso'o ñati̱; taca ña'a̱ ma̱ cha' chañi cha' bi', cha' ngua tso'o yu re juani.