Известные библейские стихи из YEREMIYA 44

Поделиться

“Loko ri ri rito leri u hi byeleke rona hi vito ra Yehovha, hi nga ka hi nga ku yingisi; kambe hi ta endla hinkwaswo leswi humeke emilon'wini ya hina, hi ta humesela nkosikazi ya matilo mirhi ya risuna, hi yi chelela swakunwa, hilaha hi endleke hakona, hina ni vatata wa hina, tihosi ta hina ni tihosana ta hina, emitini ya Yuda ni le mitsendzeleni ya Yerusalema; enkarhini wolowo a hi xurha hi vuswa; a hi tsaka, hi nga voni makhombo.

Kambe mpfhuka hi tshika ku humesela nkosikazi ya matilo mirhi ya risuna, ni ku yi chelela swakunwa, hi pfumarile hinkwaswo, hi va hi herisiwa hi tlhari ni ndlala.”

Hikuva mi hisile mirhi ya risuna, mi va mi dyohela Yehovha, kutani a mi yingisanga rito ra Yehovha, a mi hlayisangi nawu wa yena, ni swileriso swa yena, ni switsundzuxo swa yena, hikwalaho makhombo lawa ma mi fikerile hilaha swi vonekaka namuntlha hakona.”