Известные библейские стихи из Genesisi 49

Поделиться

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

“Josefa uligala lelitselako lemvini, ligala lelitsela ngasemtfonjeni wemanti, emagala akhe ayakhula acance lubondza. Titsa takhe timhlasela ngalokwesabekako, timcoshe ngebutjoki nangemicibisholo.

Kodvwa butjoki bakhe buhlala bucinile, imikhono yakhe iciniswa tandla taLonemandla waJakobe, nguMelusi loliDvwala laka-Israyeli. NguNkulunkulu weyihlo lokusitako. NguNkulunkulu Somandla lotakubusisa ngetibusiso tangetulu ezulwini, nangetibusiso temfuyo netebantfwana.

“Juda, bomnakenu bayakukudvumisa. Titsa takho uyawutibamba ngentsamo; emadvodzana eyihlo ayawukukhotsamela. Juda ufanana neliwundlu lelibhubesi, ndvodzana yami, usukile enyamataneni loyibulele wabuyela esikhundleni sakho, waguca, walala njengelibhubesi nanjengelibhubesikati, ngubani nje longahle akucale?

“Rubeni, wena ulitubulo lami, nemandla ami, ngabona ngawe kutsi nami ngiyindvodza. Uyingcwele ngesitfunti nengcwele ngemandla. Njengobe uyaluka njengemanti nje, kodvwa utawulahlekelwa kuba yingcwele kwakho, ngobe walala nenyoko lomncane, wangcolisa umbhedze wami.