Известные библейские стихи из Bielínyélínyé 5

Поделиться

Na Piéle na bedúmeb bóndodi guondinyi bɔ́ gɔg ká: «Búguófoon guala Gɔdányá nŋɔ́bɛnɔ gɔdɔ́mb ká band.

Sig buɔ́siɔ́, agá ɔnyɛ́b wá Gɔdányá na agá duyá, bɔ́dimɔdɔmb gufúnyifunyi, na guɔyɔ Ndág ya Nsɔ́m yá Yésu Kilíse.

Piéle ganyɛ ká: «Ananiása, giág Sátan mánuág ɔgɔ́w gá ɔdɛm e? Eménéŋ Ɛsámb yá Méfuny, ɔmɔ́lɔbɔ́n giéns gá muonyi má gus. Águbá wa gutɛɛ́n giéns gɔ́w gá gus ta gudú, ɔ́gɔ ká émédú gɛ́ aal ubú ebílénené na muonyi. Nanyá buóny ubuány nyá gugúulín agá ɔdɛm e? Saá basuá band eménunéŋ, eménéŋ Gɔdányá.» Ananiása máal úmɔ́ɔb gugál uguány, uwagua, uwegú. Gianta gá buwa igiádɛgɛn ebe bɔ́mɔɔ́bɔɔ́n bú.

Nɛ́nuán gɔg ngúnuɔ́yɔɔn ká, nudiánd gúgɔ́l gɛsɛgɛl na band abaány, ánɔtɛɛ́n bɔ́ bádɔ́mb. Mmábá ká mbɛ́dágɛ́dɛ́n na bielínyélínyé bɔ́b nyɛ gá guɔyɛd gá band, mágaságɛ́n mɔ́mɔ́ muát. Ímábá gɔg búnyɛ́ guɔyɛd gá Gɔdányá, nudiínúségínyí mɔ́. Ánɔbɛ́nyáŋanyáŋ, búdiguófoon ká dɛ́bá agá ɔlɔŋ wá bambɛ́lɛmbɛ́l bá Gɔdányá, band abádáb mbɛ́dágɛ́dɛ́n yá Gamaliɛ́la.»