Известные библейские стихи из Ruma 3

təmta tiwtiw, aa ɗa həji mpət aagi, aa kalima sləf Bizlaf səku. Ama Bizlaf abə sənma tə, tabəwata ka a həji ma dəlili aagi, a ɗa səkən ndə Bizlaf a ɗalatana ɓəlaakaka, gwara ara Yesu Kərist ma pəlata a bəza a mpət.

Bizlaf a bəw həji aagi ka dəlili dawna ɗal awa ta a Yesu Kərist, a ɗalatana a həji ma kaɗalanə awa a Kərist aagi tiwtiw, ara ndə a ɗa, ghala a walaŋ ta akas

Sha ana ndə Bizlaf a ji aska zah ampəs tə ka aska a pəl mpət ataa həji ma ɗalanə awa aagi. Bizlaf a ɗalə ikwa aska ghal dəlili tə, ara ndə a səw ma aagi bəza ambəɗa tə, taŋgəɗ mpət akas. Ama vah səw ma tə. A kaghalə ci, a ɗa dəlili anawatsə ata vah ma ndza akacihwa, aska həji aagi asən ka ci, dəlili ndə a kabəw ala ma ɗalanə awa a Yesu aka a ɗa ala ma dəlili.

Sha ana ndə a ɗa ya, ata nja Bizlaf ci, kwa ala ma dəlili akas, dawna ndə həji kaɗalɓa zlən ataa ma ma garagar, ara ndə a ɗa, ma ma garagar a dərakwatana aska aagi asən ci, aa ɗa həji mpət aagi.

Andza ndə a ŋtiraya a Ɗerewal ma ghwaɗeɗe, iŋgaya: Kwa ala ma dəlili akas, kwa ŋtaɗ akas. Kwa ala ma ndza abə ŋkwaɓ a zlima səkən ma dəlili akas, kwa ala ma kagas a sən Bizlaf akas. Aa tambasl təf ma ŋtan aka tiwtiw, təmta tiwtiw aa taɗal səkən ndə Bizlaf a kamay kas. Kwa ŋtaɗ ala ma kaɗal səkən ma ŋtan akas, kwa ŋtaguleŋ akas!

Həji kadeŋ ka, həji iŋgaya: həji aagi tabəw ta a həji ma dəlili dawna ndə aa kaɗal awa, ama ndə aa kaɗal səkən ndə ma ma garagar a kaɗiwi səku.

Aŋghə, tandza ikwa səku! Həji sənə ci, Bizlaf a zlap ŋter, həji tiwtiw aa ɗa gaɗaɗaŋ aagi, andza ndə a ŋtiraya, iŋgaya: Ma vah ndə həji kaadzam guma ata hwa ci, ikwa abə həji a gərahu a wəzaha a zlap kwa aagi, azha, hwa kaarəz səku.