Известные библейские стихи из Апокалипсис 22

Поделиться

Аз есмь алфа и омега, начаток и конец, первый и последний.

И се, гряду скоро, и мзда моя со мною, воздати коемуждо по делом его.

И Дух и невеста глаголют: прииди, и слышяй да глаголет: прииди. И жаждяй да приидет, и хотяй да приимет воду животную туне.

Блажени творящии заповеди его, да будет область им на древо животное, и враты внидут во град.

Се, гряду скоро: блажен соблюдаяй словеса пророчества книги сея.

И нощи не будет тамо, и не потребуют света от светилника, ни света солнечнаго, яко Господь Бог просвещает я: и воцарятся во веки веков.

Глаголет свидетелствуяй сия: ей, гряду скоро: аминь. Ей, гряди Господи Иисусе. Благодать Господа нашего Иисуса Христа со всеми вами. Аминь.

Сосвидетелствую бо всякому слышащему словеса пророчества книги сея: аще кто приложит к сим, наложит Бог на него язв написанных в книзе сей: и аще кто отимет от словес книги пророчествия сего, отимет Бог часть его от книги животныя, и от града святаго, и написанных в книзе сей.