Известные библейские стихи из TA KƏLA 49

Поделиться

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

Jəjep i kāgə̄ kə́ a an̄ kə́ əɓa kadə man̄ tə́. Ta jīn gə̄ mānə̄n̄ dɔ ndogə̄ mbal̄ kə̄ dɔɔ́. Ngé kur gərā gə̄ sāān̄ tan, túr̄nən̄ kə gərā yādə́ gēé ō, sókə̄nən̄ ō

ba ga̰ gərā yān ngan̄g. Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə. I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō, mbal̄ ń Israel ndə̄nā rɔ̄n tū tə́ ní ō. I Nə́ɓā yā bɔbí n i nge rāā seí ní. Nə́ɓā kə́ bo kə́ tɔ́gən i ngá̰ý a rāā majə seí. Ni a adī man̄ kə́ kḭḭ dɔ rā̰ tə́ ō, man̄ kə́ teē gíŕ nángāá ō. Ni a adī ngán gə̄ ō, a rāā kadə̄ yá̰a̰ kul̄ yāí gə̄ a ojən̄ naā ō.

Juda, ngákó̰ó̰í gə̄ a ɔsən̄ gɔnií. Ā ī-ndi dɔ madə̄ ba̰ā̰í gə̄ tə́. Ngákó̰ó̰í gə̄ a ɔsən̄ nodə́ nang tə́ yā rɔyīiń. Ngōnə̄ḿ Juda, ḭ̄ i ɓɔl kə́ əhɔ dā̰ əsan, ba tél a aw̄ kə̄ gogə́ loo ton tə́. Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?

Ḭ̄ Ruben, ngōn̄ hágə́ḿ, dan balsááḿ tə́ ɓáý ní i ḭ̄-n m-ójiī kété ní. De gə̄ ɓōlə́n̄ ndílí tɔȳ yā ngákó̰ó̰í gə̄ ō, ḭ̄ i dɔ madí gə̄ tə́ malang ō. Ī-to tītə̄ man̄ kə́ nūgə́ kə ngangá ngá̰ý, ɓá tā ba ā ə́nge loo kə́ kété to̰ alé, tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.