Известные библейские стихи из TEĒ 23

Поделиться

Ba ré i mā Kɔ́ɔ̄ɓē Nə́ɓā yāsí ngóy n ā ī-ndɔ̄ȳmī anī, m-ā m̄-rāā majə sesí ō, m-ā m-ādə̄sí yá̰a̰ kəsa ō, man̄ ka̰ȳ ō, m-ā m̄-tə̄ɓā mo̰y kɔ̄ɔ́ dɔsí tə́ ō. Dəyá̰ kə́ a ɔr̄ ngōn̄ aláa dəyá̰ kə́ kujə a gətóo dɔ nang yāsí tə́ ō, m-ā m-ādə̄ ā ī-ndiī kə kumsí dan i ngá̰ý ō.

M-ā m-ə́la deē yāḿ kə́ dɔ rā̰ tə́ kadə̄ njə̄rā kété nosí tə́ ō, kadə̄ ngɔ̄m̄sí dɔ róbə́ tə́ ō. A ɔr nosí yā kaw̄ sesí kem ɓē ń m-ə̄ndā dɔ danaá tām̄ yāsí tə́ ní.

Ré ōōī tan adə̄ ī-rāāī yá̰a̰ gə̄ ń m-ə́dásí ní anī, m-ā m̄-tél nge ba̰ā̰ madə̄ ba̰ā̰sí gə̄ ō, nge rɔ̄ɔ̄ ngé rɔ̄ɔ̄sí gə̄ ō.

Ā ún gō de kə́ ngá̰ý gə̄ yā rāań majaĺ alé. Loo ń ā ɔ̄r̄ najə̄ dɔ yá̰á̰ kə́ ḭ̄ i kum tə́ tə́ loo sarya tə́ anī, ā ī-tetə rɔ̄í gō de kə́ ngá̰ý gə̄ tə́ yā kɔrə̄ń najə̄ kə́ rɔ̄kum aĺ alé. Ā ī-rāā kə de kə́ nge rɔ̄ tō ndoó loo sarya tə́ kadə̄ teēń kum tə́ alé.

Ā ə̄nī gotə najə̄ kə́ rɔ̄kum aĺ kə̄ loo gə̄ tə́ aĺ ō, ā ə́da najə̄ kə́ rɔ̄kum aĺ loo sarya tə́ yā kənīń najə̄ gír nge rāā majaĺ tə́ aĺ ō.