Известные библейские стихи из TEĒ 2

Поделиться

Nə́ɓā oō nōō yādə́, anī əga kemən dɔ madə̄ naā ń ni-əhɔ kə Abəraham ō, Isaak ō, Jakob ō ní tə́. Ni-a̰a̰ ngán Israel gə̄ ō, ger̄ yá̰á̰ ń rāādə́ ní ō.

Dan i ngá̰ý gō tə́ anī, mban̄g kə́ Ejiptə oy. Ngán Israel gə̄ ń a rāān̄ kəla ɓəlo ní nōōn̄ rɔ̄də́ ō, əgan̄ kɔ̄ŕ ō, adə̄ nōō yādə́ aw̄ ugə̄ rɔ̄ Nə́ɓā tə́.

Dan ń ngōn̄ ní tɔgə anī, un aw̄ seneé adə̄n kə ngōn̄ Parao̰ó̰ adə̄ taān rāān ngōnən tə́, əndā rīn na i Moijə tɔdɔ̄ əda na n-unən na i kum man̄ tə́.

Ngōn̄ Parao̰ əda dəyá̰ Hebəro ní na kə un ngōn̄ ní kə aw̄ kə mba, na nəkɔ́ n-a n-əgān. Adə̄ dəyá̰ ní un ngōn̄ ní aw̄ adə̄n mba.

Anī ngōn̄ Parao̰ kə́ dəyá̰ aw̄ bāá ndogə̄ maná ba ngámandə kə́ ngé njə̄rā gōn tə́ gə̄ a njə̄rān̄ kə gō kadə bāá. Dan ń a̰a̰ jáng dan tə̄ɓā gə̄ tə́ anī əla nge kəla yān kə́ dəyá̰ kunuú.

Dan ń Moijə tɔgə dəngam anī, aw̄ go̰ō̰ ngákó̰o̰n gə̄ tə́ ndɔ̄ kə́rēý tə́. Ni-a̰a̰ kəla gə̄ ń əndān̄ dɔdə́ tə́ gúu kadə̄ rāān̄ ní. Anī a̰a̰ de kə́rēý kə́ Ejiptə ra a tə̄ndā ngōkó̰o̰n Hebəro kógə̄ḿ. Moijə mbel loo kə̄ yóō kə̄ laā. Dan ń a̰a̰ deē aĺ anī, tə̄ndā de kə́ Ejiptə ní tə̄ndā tɔ̄lən, ba əlan dan nán̄g ngárə̄ḿnjēý tə́.