Известные библейские стихи из مَتّی 24

Поделиться

ئو وَه خاطر شرَباری فِرِه گه ماو، مِحبت فِرَه کسَل سردا ماو. مِنتائای هر کی تاگَه آخِر پایار بِمینی، نجادَ مَگِری.

ئو ایی خَوَر خَوش پاتِشائیَ اِلومَ ماو اِ سِرُسَر دنیا تا اَرِه کُل ملتَل شاتی بو. اَسَه آخِرکارَ مَرَسی.

ئو اِبارَه جنگلَ مَشتوئینو ئو خَوَر جنگلَ مَرَسی گوشتو. مِنتائای هِراسونا نوئن، اَرِیَگه هُنَ اتفاقَلی باس بِکُوءِ، مِنتائای هَنی آخِرکار نَرَسیَ.

هَمیش قومی اَرضد قومی‌تِر ئو مملکتی اَرضد مملکتی‌تِر هیزَمَگِری. ئو قیَطیَل ئو زَمی‌لرزَه‌ل اِنوم جال جوراجورَ مای. مِنتائای کُل یوئنَ فَخَد بِنیا ژُ زائینَ.

آسمون ئو زمین اژ بِنَ مَچِن، مِنتائای قصَه‌ل مِه هرگِس اژ بِن نِمَچو.

اَرِیَگه فِرَه کسَل وَه نُم مِنَ مان ئو موشِن، ”مِه هَراَ مسیحِمَ گه باس بای،“ ئو فِرَه کسَل اژ رئی اِرَمارِن.

«اِ اَ زمونَ میَنَ قاپ هُمَه‌آ تاگَه عذاو بِکیشینو، ئو مَکُشِنتو. کُل ملتَل وَه خاطر نُم مِن اژ هُمَه بیزارَ موئن. اِ، اَ روژِلَ فِرَه کسَل اژ ایمو ووژو رُی اِرَمَگیردِنِن، ئو خیونتَ مَهَنَ یَکتِری ئو بیزارَ موئن اژ یَکتِری. پِخَمَرَل دِروزِنِ فِرِه هیزَمَگِرِن، فِرَه کسَل اژ رئی اِرَمارِن.

عیسی جوواوا داتی: «حُواستو بو تاگَه کس اژ رئیتون اِرناری.

اِسَه هُمِه‌یش آمادَه بوئن، اَرِیَگه کُر اِنسو اِ ساتی مای گه چیَمَ‌رئی نیئینونی.

اِسَه حُواستو بو، اَرِیَگه نِمَذانینو خداون هُمَه چه روژی مای.

«مِنتائای هُیچ‌کس اَ روژ ئو اَ ساتَ نِمَذانی بِخِر اژ باوَه؛ جُ‌جُ فریشدَه‌ل آسمون ئو کُریش خَوَر اَژی نِرِنی.

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

موقَع هاتِن کُر اِنسو چُی روژَل نوحَ. اَرِیَگه اِ روژَل وِر اژ رُحِیل، وِر اژ یَگه نوح با اِنوم کَشتی، مردِم مَهُاردون ئو خُرّونَ ما ئو ژَنونَ مَهُاست ئو شویونَ مَهَرد ئو نِمَذِناسدو چَه ماو تا یَگه رُحِیل هات ئو کُلَ گَرد ووژ بِردِنی. هاتِن کُر اِنسون‌یش هَرهُنَ ماوَ.