Известные библейские стихи из लूका 6

Поделиться

दूसरौं कै देओगे तौ, तुमकै बी परमेसर देगो। पूरो नाप दबा-दबा कै और हला-हलाकै बाहार लिकरतो भओ तुमरे गोदी मै डारो जागो, कैसेकै जिस नाप सै तुम नापौ हौ, उसई नाप सै परमेसर तुमरे ताँई बी नापैगो।”

भलो आदमी अपने मन के भले भन्डार सै भली बात लिकारै है; और बुरो आदमी अपने मन के बुरे भन्डार सै बुरी बात लिकारै है; कैसेकै जो मन मै भरो है बौई उसके मौह सै बाहार आवै है।

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

जैसो तुमरो परम पिता दयालु है, बैसेई तुम बी दयालु बनौ।

“किसी को बी नियाय कन्‍नै बारे ना बनौ, तौ परमेसर बी तुमरो नियाय ना करैगो। किसी कै दोसी ना बनाऔ, तौ तुमकै बी परमेसर दोसी ना बनागो, माफ करौगे तौ, तुमकै बी परमेसर माफ करैगो।

“पर मैं तुम सुन्‍नै बारौं सै कैरओ हौं, अपने दुसमनौ सै पियार करौ। जो तुमसै नफरत करैं, उनके संग भलाई करौ। जो तुमकै सराप देवै, उनकै आसीरबाद दो, जो तुमरी बेजती करैं, उनके ताँई पिराथना करौ।

और जैसो तुम चाँहौ हौ, कै लोग तुमरे संग बरताब करैं, तुम बी उनके संग बैसोई बरताब करौ।

जो कोई तेरे एक गाल मै चाँट मारै उसकी ओर दूसरो बी फेर दे; अगर कोई तेरी चद्‍दर ले ले तौ उसकै अपनो कुरता बी ले लेन दे। जो कोई तुमसै माँगै, उसकै दो। अगर कोई तुमरो कुछ रख ले तौ उस्सै बापस मत माँगौ।

“किसी अच्‍छे पेड़ मै निकम्मो फल ना लगै है। और नाई कोई निकम्मो पेड़ अच्‍छो फल देवै है।

हर एक पेड़ अपने फल सैई जानो जावै है। लोग काँटे बारी झाँड़िऔं सै अंजीर ना तोड़ै हैं। और नाई किसी काँटे बारी झाँड़ी सै लोग अंगूर तोड़ै हैं।