Известные библейские стихи из Kuboka 32

Поделиться

Bandu pababona ana Musa juseliwi ngamaa kukelabuka kuhuma ku kitombi, bakusanyika palongi jaka Aloni nukumpwagi, “Ena! Tulenganakiya kimong`umong`u ili kibiya sapanga witu sesatulongusa ndaba ngasetumanyiki sesumpatiki Musa jojutuboa kunndema uku Misili.”

Bambu Sapanga ampwagila Musa, “Helala pai kanyata ndaba bandu baku bawaaletiki kuhuma ku nndema uku Misili ahenga kihakau ngamaa nukungana nepeni. Bijilei indela jenalagalakiya, nukulilenganake kimong'umong'u si litoli kuyeyusha zahabu. Atei kujilumbalii nukujipiiki litambiku koni apwaaga, jonzo ndi sapanga witu jojutuboa ku nndema uku Misili.”

Ndipala Aloni jikisengila pandu pukupiiki litambiku kimong'ung'u sela, na jatangasa sukupwaga, “Kilabu kwibiya lisoba lukutogule kwinu palongi jaka Bambu Sapanga.” Kilabu jaki bandu bajumuka pulukela ngani bapia matambiku gukutini, na matambiku gu lukwali. Bandu batama pai kula na kunywa, ndipala bajema nukuhina liya.

Kilabu jaki Musa jaapwagila bandu, “Nhengiki mahakau makolongu! Henu ngiti nunzende Bambu Sapanga panani ji kitombi, pangi nunndoba Sapanga junndekakiya mahakau ginu.”