Известные библейские стихи из Мф 24

Поделиться

Закондымылык чыла вере шукемеш, садлан шукыштын йӧратымашышт йӱкша. Но мучаш марте чытыше утаралтеш.

Кугыжанышын тиде Поро Увержым тӱня мучко каласкалат, тудыжо чыла калыклан таныклымаш лиеш, вара мучаш толеш.

Тыгак сар йӱкым да сар нерген увер-влакым колыда. Шекланыза, ида лӱд, чыла тиде лийшаш, но тиде але мучаш огыл.

Калык ӱмбаке калык кынелеш, кугыжаныш ӱмбаке – кугыжаныш, верын-верын шужымаш, мор да мланде чытырналтмаш лиеш. Тиде чылажат – орлыкын тӱҥалтышыже.

Кава ден мланде пытат, но Мыйын шомакем огеш пыте.

Шукын Мыйын лӱмем дене толыт да ойлаш тӱҥалыт: ”Мый Христос улам”. Шукыштым ондалат.

Тунам тендам орландараш кучат да пуштедаш тӱҥалыт, Мыйын лӱмемлан кӧра тендам чыла калык ужмышудымо лиеш. Тунам шукышт кораҥыт, икте-весым кучыктен пуаш тӱҥалыт, икте-весым ужмышудымо лийыт. Шояк пророк-влак ятыр лектыт да шукым ондалат.

Иисус нунылан вашештен: «Шекланыза, нигӧат тендам ынже ондале.

Тугеже теат ямде лийза, вет кунам огыда вучо, Айдеме Эрге тунам толеш.

Тыгеракын, шекланен шогыза, Господьдан толмо жапшым те огыда пале вет.

Тиде кече да шагат кунам толын шуэш, нигӧ ок пале: пылпомышсо Суксо-влакат огыт пале, тидым ик Ачам гына пала.

Вет шояк христос ден шояк пророк-влак лектыт да, лиеш гын, ойырен налме-влакымат ондалаш манын, палдарыше кугу пале ден чудо-влакым ыштат.

Кузе Нойын илыме кечылаштыже лийын, Айдеме Эрге толмо годымат тугак лиеш. Вӱд ташлыме деч ончыч Нойын ковчегыш шичме кечыже марте еҥ-влак кочкыныт, йӱыныт, ӱдырым налыныт, марлан лектыныт. Вӱд ташлымаш тӱҥалмешке да чылаштым пытарымешке, мо лийшашым умылен огытыл. Айдеме Эрге толмо годымат тыгак лиеш.