Известные библейские стихи из Pulim 49

Поделиться

Judah wó taa zei paare nacheiga kam mo. O dwi dem nam wó taa di paare mo taa wuu. Dwi-gɛ tiina wó ja wonnu ba ba ba pa‑o ye ba chɔɔle ba yibia tega ne ba zuli‑o.

Josɛf nye de tio kolo na leiri bia dedɛ to mo. Ko maa zega ko bwola de buga, ye ko nɛ sem yɔɔre se dɔɔle se ma diini kabira baŋa. O dona bam ma ta ba chena de yi-seena se ba chiŋi‑o ba ja.

O tete taŋa kam nam yɔɔre ka zege mo chekke. O je sem maa dana se o taa tae o chena. BAŋA Wɛ wom na ye Jakob dwi tiina Dam maama Tu wom to mo wó pa Josɛf dam. Wonto nii o nɔɔna baŋa ne, ne nayero tei mo. O maa ye Isarele tiina dalem jei, ne peo mo tei. Nmo kwo Wɛ wom, wonto mo wó woli‑m. Dam-fɔrɔ Tu Wɛ wom mo wó swɛ nmo swolim. Wonto wó pa se doa nwoŋi wɛyuu ka taa nena. Na de wó buri tega kuri ne. Wɛ wó pa se n na dwi dedɛ, ye n vara de taa daga.

Judah, nmo chorro tem wó tei‑m. N jeŋa wó taa wo n dona bakala ne se n wane-ba. Nmo kwo bia wó ba ba chɔɔle tega ne ba zuli‑m. Amo bu Judah, n nye de nywoŋ-pɔla mo, N nye de nywoŋ-kana na zi ka wodiu ye ka laam vwɛ ka jwoori ka vo ka tigi chemm ka tiga jei ne to mo. Nɔɔn-nɔɔno ba lage se o daane‑m.

Ruben, nmo mo ye amo bu-kwea. N maa n ye a nɔn-doŋo jana bu, ye n bere amo dam. Nmo dam de n zula tiini ya gaale nɔɔna maama. Nmo nam nye nenɛɛne na na chuuri tei to mo, n ba zege jeiga dedoa. Konto to, nmo bá‑n kɛ yiga. Nmo zo n kwo sara wone n chɔge-ka, n na peini de amo kaane wodwoŋi to ŋwaane.