Известные библейские стихи из Nwoŋim 6

Поделиться

Nam ta de Isarele tiina bam we ‘Amo mo ye BAŋA Wɛ! A nam wó ma a dam-fɔrɔ de a totoŋ-kamunnu a ma a waare Ejipti tiina bam, se a daare a jwoŋi abam á totoŋ-dɛɛra wone a yage se á daa yé ta‑á ye kabɛ.

A maa wó pa se á ta‑á ye amo tete nɔɔna. Amo maa wó taa ye abam Wɛ. Konto to, á wó wane á lɔre we amo mo ye abam Tu BAŋA Wɛ, a na jwoŋi abam a yage Ejipti tiina bam jeŋa ne to ŋwaane.

A maa wó ja abam a zo tega kalo a déem na gwoni ni se a pa Abaraham, de Izaak, dedaane Jakob to. Amo wó seene a pa abam tega kam konto se ka taa ye abam tete nyem. Amo nam mo ye BAŋA Wɛ.’ ” Moses déem ma ta tento maama de Isarele tiina bam. Ba ma ve o taane dem, kokuri to ba vɔna mo dɛ yiga ya pare. Ba yera de déem ma chɛ, ba totoŋ-dɛɛra yam ŋwaane.

BAŋA Wɛ laam ma ta de Moses o we, “Amo laam lage a pa se n lɔre amo na wó ke Pa-faro wom tei to mo. Amo wó ma dam mo a fe‑o se o yage a nɔɔna bam chwoŋa se ba viiri. Amo wó pa se o zeili-ba mo se ba nwoŋi ba daare o teo kom.”