Известные библейские стихи из رومية 6

Поделиться

حيت الأُجرة د الدنوب هي الموت، أمّا العطيّة د اللّٰه هي الحياة الأبديّة بالمسيح يَسوع رَبّنا.

هَيدا الدنوب ما غادي شي يسيطرو عليكُم، حيت أنتُمَ ماشي تحت الشريعة، وَلكن تحت النعْمة.

حيت تدفنّا معاه بالمعْموديّة نالموت، باش، فحال ما قام المسيح من بين الميّتين بالمجد د الآب، هَيداك نتمشّاو حنايَ في الحياة الجديدة،

وْما تقدّمو شي الأعْضاء د الجسد ديالكُم فحال شي أدَوات في خدمة الشَّرّ. بالعكس، فحال الناس الّي رجعو نالحياة من بعد الموت ديالوم، قدّمو راسكُم ناللّٰه والأعْضاء ديالكُم فحال شي أدَوات في خدمة التقْوى.

وْحنايَ عارفين بلّي الطبيعة ديالنا القديمة تصلبَتْ مع المسيح باش يتحيّد الجسد ديالنا المُدْنب وْما نبقاو شي عبيد نالدنوب.

هَيدا أنتُمَ اعْتَبرو راسكُم ميّتين نالدنوب، وَلكن حيّين ناللّٰه بالمسيح يَسوع رَبّنا.

إدَن، شنّو غادي نقولو؟ واش غادي نستَمرو في الدنوب باش تتكتّر النعْمة؟ لا، حاشا! حنايَ الّي مُتْنا نالدنوب، كيفاش باقي نعيشو فيها؟

واش ما كَتْعرفو شي بلّي إدا كَتْسلّمو راسكُم نْشي واحد باش تطيعوه، أنتُمَ كَتْرجعو العبيد ديالو؟ إمّا نالدنوب الّي كتدّي نالموت، وإمّا نالطاعة الّي كتدّي نالتقْوى.

وَلكن الحمدُ للّه، أنتُمَ الّي كُنْتو عبيد نالدنوب دابا طِعْتو من كُل قلبكُم نْهَد النوع د التعْليم الّي تسلّمْتو لِلو. وْفعلًا، تحرّرْتو من الدنوب وْرجعْتو عبيد نالتقْوى.