Известные библейские стихи из رومية 1

Поделиться

حيت ما كنحشم شي من الإنجيل، حيت هُوَ قوّة اللّٰه نالنجا د الناس كاملين الّي كَيآمنو، اليهود في الُوّل، والأُمَم حتّى هُمَ،

حيت في الإنجيل ظهَر العدل الّي جا من عند اللّٰه، من الإيمان نالإيمان، فحال ما هُوَ مكْتوب "المتّاقي غادي يحيا بالإيمان."

حيت من خلوق الدنيا الأُمور د اللّٰه الّي ماشي ظاهرة، فحال القُدْرة ديالو الأبديّة والطبيعة ديالو الإلَهيّة، ظهرو واضحين بالحاجات المخْلوقة، وْحتّى واحد ما بقا عندو عُدر.

حيت واخّا هُمَ عرفو اللّٰه، ما مجّدوه شي فحال الإلَه وْما شكروه شي، وَلكن تلفو في الأفْكار ديالوم الباطلة، وْتظلّم القلب ديالوم المكلّخ.

حيت بدّلو حقّ اللّٰه بالكدوب. كرّمو وْعبدو المخْلوق قبل من الخالق، الّي هُوَ مبْروك دائمًا، آمين.

حيت غضب اللّٰه ظهَر من السما على الناس كاملين الّي كَيْعيشو بالظلم وْبلا تقْوى، وْكَيْحصرو الحقّ بالشَّرّ ديالوم.

على ديك الشي سمَح فيهُم اللّٰه نالشهوات القبيحة، حيت حتّى النسا ديالوم بدّلو الطبيعة الجنسيّة بالعادة الّي ضدّاْ. والرجال حتّى هُمَ خلّاو العادة الطبيعيّة مع النسا وْشعلو الشهوات ديالوم مع بعطوم، كَيْعملو الفاحِشة الدكورة مع الدكورة، وْتوصّلو في نَفسوم بالعقاب على حسب الضلال ديالوم. وْحيت ما بغاو شي يهْتَمّو بْمعْرفة اللّٰه، سمَح فيهُم نْعقلوم الفاسد باش يعملو الأُمور الّي ما خصّوم شي يعملوها.

وْملّي قالو على نَفسوم بلّي هُمَ حُكَماء، رجعو حُمَق، وْبدّلو مجد اللّٰه، الّي ما كَيْفنا شي، بْتماتيل الّي كَيْشبهو نالإنسان وْنالطيور وْنالبهايم وْنالزّواحف الّي غادي يفناو.