Известные библейские стихи из MARKU 2

Поделиться

Aire Yesu the' gyo: lao" yao: wa yao: bam re- Qao" zin" mo, wa mocid' sara maqo ngad: ako"- No mo, za: aqo: ako". Din:man" ra" mo, re khai nae" qhid' mae" ngo li" ru mangad:- Qobo qo" ra" mo, re khai nae" kam" wa ngo li" ru ngad: ra"- ga: ta" ra".

Yao: bam: lam khug: myid re Yesu the' myao lao" yao: wa gaung jam: shid yaug re- Nga" zo: we"- ni" qobo re khyad' pye' byid: va"- ga: ta" ra".

Alao" Yesu yao: bam re- Byu wa Dugno: Ba: qhid' mae" mangad:- Dugno: Ba kam" wa byu: qhid' mae" to" ru ngad: ra".

Yao: bam wa mo, paug' saung" thau yang: Yesu jhao" maqo" te' ye: gelao" yao" au: tho' mae" mhao: mug: tau: qhid' pye' mung: gaung jam: shid yaug re yab qo we' daga" shoe' khyo" ke' ako".

Ngadqere: Byu: Yao: Zo: wa myidgaung dao mae qobo qo" khyad' byid' ra" kheim:so' qo" yaug ngad mangad: rure ngo naonhaung" re qhu" byid: geli"- ga: ta" mung: gaung jam: shid yaug re- Nao re ngo ta" li"- To" wa,- ni" yab qo gaug: vo, mung: yham khyo lo" se,- ga: ta" ra".

Gaung jam: shid: ra" yaug re- Ni" qobo khyad' pye' byid: va" ein: ta" re je: laui: i? Mangad: lao"- To" wa,- ni" yab qo vo, yang: su" lo" wa,- ein: ta" re je: laui: i?

Ailao" jao" yao: to" mung: yao" yab qo gaug: vo, yang: yao: bam: qhid' kheim: mae" to" phao: lo" ra". Alao" yao: bam alhab' mo, mug' hao" bam mung: Mao"So re caung:khin" zo" re"- ngonhaung" ceru" ru khonhae" re: mamyao: qu" shi: ga: ta" ako".