Известные библейские стихи из NINGPAWT NINGHPANG 49

Поделиться

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

“Yosep gaw hka hpawk makau e nga ai lawze shazai hte Kawng nhkrem hkan hkawm nga ai gumra kasha shazai hte bung nga ai. Shi a gumlau hpyen ni grai gumshem ai hku shi hpe htim gasat nhtawm, Shanhte a ndan pala ni hte shi hpe hkan shachyut ma ai.

Rai ti mung Chyahtum Chyalai N-gun rawng ai Yaku a Karai Kasang a daru magam n-gun hte, Sagu rem wa ngu ai Israela hpe makawp maga ai wa a majaw mung, Shi a ndan dingyang kaja nna, Shi a lahpum ni mung n-gun hte hpring nga ai. Dai gaw nang hpe karum ai na nwa a Karai Kasang rai nna, Sumsing lamu na shaman ai chyeju marang hte mung, Ga kata na sung ai hka a majaw mung, Yam nga hte kashu kasha law law mayat maya shangun ai shaman chyeju ni a majaw mung

“Yuda e, na a kahpu kanau ni nang hpe shakawn na mara ai. Na a gumlau hpyen ni a du hpe nang manat nga ndai. Na a nhpu nnau ni na a man e gum dagup na mara ai. Yuda gaw nam shan hpe kawa sat nna shi a lungpu de nhtang wa nhtawm Galeng gumkan nga ai hkanghkyi hte bung nga ai. Kadai mung shi hpe shatu gwi na n rai.

“Nye a kasha alat Rubin e, nang gaw nye a n-gun hte Nye a ram prat na ma ningshawng rai nna, Nye a shadang sha ni yawng hta arawng kaba htum ai hte n-gun ja htum ai wa rai nga ndai. Nang gaw mawru hka zawn kabrawng nga ndai, Rai ti mung nang gaw ahkyak htum ai wa n rai nga ndai, Nang gaw nye a lashi num hte yup nit dai majaw, Na nwa a yup ku hpe sari jahpoi kau ya nga ndai.