Известные библейские стихи из PRU MAT WA AI 4

Поделиться

Dai MADU gaw shi hpe, “Masha a n-gup hpe kadai jaw a ta? Ma-a ai hte na lahpang ai wa hpe kadai galaw a ta? Myi mu hkra shi hpe kadai jaw nna, kadai wa myi kyaw shangun a ta? Dai gaw Ngai MADU nan rai nga nngai. Ya chyawm gaw sa wa su! Nang shaga lu na matu ngai karum na de ai; kaning ngu nna nang tsun shaga na mung ngai tsun dan na de ai,” ngu nna tsun wu ai.

Rai ti mung Mawshe gaw, “MADU e, n rai law, ngai hpe hkum shangun e; ngai gaw galoi mung ga namsup rawng ai wa n rai nngai. Nang ngai hpe ga tsun hpang ai aten kaw nna pyi ngai tai la ai wa n rai nngai. Ngai gaw n-gup li nna ga shaga lanyan ai hte shinglet li ai wa rai nga nngai,” ngu nna tsun wu ai.

Dai ga a majaw MADU gaw Mawshe hpe masin pawt ai hte, “Lewi masha na a nhpu Arun gaw gara hku law? Shi gaw atsawm sha ga lu shaga nga ai hpe ngai chye nngai. Shi mung ya nang hpe sa hkrum na matu pru sa wa ra ai. Shi gaw nang hpe mu jang kabu gara na ra ai.