Известные библейские стихи из Mataayo 13

Поделиться

Ʉlongo ʉgwɨ mboto, shifwani sha muntu ʉyo ahulyʉmvwa izwi na hulyaganye. Ʉmuntu ʉyo ya yʉʉyo ya‑ahulibhombela ɨmbombo izwi, nanshi ɨmbeyu yeeka shɨ‑ɨhwela ɨmya yeeka, ɨyamwabho amashʉmi nʼtanda, ɨyamwabho amashʉmi gataatu.”

Ʉlongo ʉgwa mu mimvwa, shifwani sha muntu wa‑ahulyʉmvwa izwi na hulyambɨɨlɨle. Leelo, ʉmwene asɨɨbha tee ɨzya mu nsi, peeka ni‑ilenga ɨlya‑abhe nɨ shʉʉma ɨshinji. Ɨvyo vya vihumʼmɨɨha huje apootwe hulibhombele ɨmbombo izwi, hwa huje hupootwe ahwele amantongooni.

Ʉlongo ʉgwa mwi‑idala, shifwani sha muntu ʉyo ahwʉmvwa izwi lyɨ wumwɨnɨ ʉwa Ngʉlʉbhɨ leelo saga ahulyaganya. ɄMʼmiibhi ʉla ʉSeetano ahwɨnza, ahulyefwa ɨlyo lyahavyaliilwe mu mwoyo gwakwe.

Ʉlongo ʉgwa pi‑ilyalawe, shifwani sha muntu wa‑ahulyʉmvwa izwi na hulyambɨɨlɨle lubhilo hu nseho. Leelo saga ahulibhɨɨha mu mwoyo. Lyoli ali nanshi imelela lya saga lisiizye amalandazi pa nsi tee. Alɨngaane nɨ‑ɨsho, ajimbiilila hashe lwene. Amayɨmba lwa gahumʼmwaga hu nongwa yi‑izwi liila, ahululeha ʉlwɨtɨho nalinaali lwene.

ɄYeesu ahajendeelela ayanje ahaga, “Ʉwumwɨnɨ ʉwa hu mwanya wulɨngaana nanshi ahantu ahɨ mfuha ɨngoosi ha hafisiilwe mu nʼgʉnda. Ʉmuntu ʉmo lwa wahaaga muula, ahahafisa nantele. Ɨshi, hu nseho ahabhala na‑akazye ɨvintu vyonti vya‑ahali navyo, ahakala ʉnʼgʉnda guula.

Ɨmbeyu zimo zyahagwɨla mu longo ʉgwɨ mboto, zyahamela, zyahakula na hwele tee. Ɨmo yaheela amantongooni ɨmya yeeka, ɨmo yaheela amashʉmi nʼtanda nɨ yamwabho yaheela amashʉmi gataatu.

Leshi vyonti vikulaje peeka afishe mu habhaazyo aha‑avune. Mu habhaazyo ɨho, nahayihubhabhʉʉzya bha bhavuna huje bhabhʉngaanye nasʉʉti amasankwa na hugapinye mu vilʉndo huje bhagapembe. Leelo ɨngano bhabhʉngaanye na huyibhɨɨshe mu shanga shaanɨ.’ ”