Известные библейские стихи из Rom 5

Поделиться

Ma Ka̱za a̱ za tyyei ka̱sak ka kan za cat i, nkpa yet dikwu Kristi ti a̱zi hywak njit nyyai zi ri shyi ka̱yat a̱ka̱tukyya.

A̱yin nu a̱ byyi rya a nkyang a Ka̱za ka ryat a̱wwon ni a̱ byyi hok nsum ba, rot Ka̱za a̱ ka̱n tom za̱nang nka ji yet Tswa Ka̱za ji zi bu tyyi cat nka na ndya njit a.

Ban ba̱ a̱mi ma, zi gwai ka̱yat ka̱bvung ka zin shyi ni rot zi bvwo sswa ka̱bvung ka na nang a̱yin cet sseng, sseng a na tyyi Ka̱za a̱ hok ansham a̱yin. Ki Ka̱za a̱ hok ansham a̱yin, a̱ nan byyi rya an nkyang a Ka̱za ka ryat a̱wwon a̱ ni yya ni.

To, naani zin shya shot rot ntyyi ndya njit a, zi bu shyi bu myyi ndya a̱ta̱ssi Ka̱za rot Yesu Kristi A̱gwam njit u. Rot zi wrak ka̱ryong di Yesu, na̱ za tyyei ka̱sak ka Ka̱za kan za nang za̱nang nka ji nkpa yet kyang a zi bvwo Ka̱za a̱ za yya mi ni. Rot a̱mi zi pfong ba̱set rot zi bvwo zi nin byyi bvak i dityok Ka̱za ti.

Rot nyyai zi ka̱n maai yya kyang ba, Kristi a̱ kwu ka̱ram ka Ka̱za ka tssa ni rot njit ba̱nyet ba a̱ wi pfong Ka̱za ni.

Dikwu nu ti a̱mi za jyi swat a bu Ka̱za. Ki a̱mi a̱ bo ni za san a̱ tun i diryen Ka̱za ti.

Da̱ni di ba̱nyet ba̱gingang ba yin tyyi ba̱nyet a̱ka̱tukyya ni i hywak a̱tuba a̱yring u a̱ yin dak hok ni, a̱mi brak ba̱nyet ba̱gingang ba ni tyyi ba̱zizrak i hywak a̱tuba a̱yring u a̱ tssup Ka̱za ni.

Ma a̱ngbom nu a̱ yemi ba; zi shyi bu rya sai ka̱sak ka Yesu Kristi A̱gwam njit na̱n za brak zi yet ba̱rywai Ka̱za ni.