Известные библейские стихи из Rom 10

Поделиться

Ka yrang ka̱nu nwan n hywa, “Yesu a̱ yet A̱gwam,” i bu shim ka̱yat rya nwan ka Ka̱za a̱ yin ku shyek nyyai a̱yabyen, a ni kaat.

Rot ki zi shim ka̱yat ndya njit ka, zi ni myim Ka̱za. Ki zi bu hywa di ka̱nu njit ka, zi ni kaat.

To, tyyi rya na nyyai pfong ba̱ryat ba, ba̱ryat ba a̱ nyyai pfong wa'azi Kristi nu.

Ba̱ryat Ka̱za a̱ hywa, “A̱yin nu a̱ tyyi rya nu a̱za̱ nu ni a̱ ni hok nsum ba.” Ba̱ryat bani a̱ yet ba̱nying koyan, rot di ba̱nyet Yahuda di kpikpit nwap a zi yet bu ka̱yring. Ka̱za a̱ shyi bu ka̱yring, a̱gwam ba̱nyet sa̱rei, kuma ba̱nyet ba a̱ ka̱ yei ni, ba ni shya ka̱nu-a̱tan ba̱gingang da̱ nu. Da̱ni di ba̱ryat Ka̱za ba ban hywa ni, “A̱yin nu a̱ yei diyrek A̱gwam Ka̱za ni a̱ ni shya sucet.”

Ki ba ni yya ni a̱n tyyei ba̱ryat ba, ki ba tom ba̱nyet tyyei ba ba? Ba̱ryat Ka̱za ba a̱ hywa, “Ka̱sham kyang a̱mi a̱ yet a̱tak ba̱nyet tyyei Ka̱sham Ba̱ryat!”

Ma ba ni yya ni a̱n yei diyrek nu ti, ki ba ku ryi ndya mba na ba? Ki ba ni yya ni a̱ ku ryi ndya mba na, ki ba hok ba̱ryat nu ba ba? Ki ba ni yya ni a̱n hok ba̱ryat nu ba, ki ba ba̱ tyyei ba?

Kristi a̱ ka̱n tyyi Truwang ji tyak, rot a̱mi sa̱rei a̱yin nu a̱ ku ryi rya nu na ni a̱ ni myim Ka̱za.