Известные библейские стихи из %C9xodo 17

Поделиться

Xuk'ulmaj chi are uyakom u'ab' ma Moisés chikaj, are i je aj Israel kech'akanik. Xwiri are kuqajsaj u'ab' are je aj Amalec kech'akanik. Xwiri i u'ab' ma Moisés lik kkosik, rumali xkitzukuj jun ab'aj re utem, man kkub'i puwi. I ma Aarón xaq i ma Hur kichapom u'ab' ma Moisés che, jun uchapom u'ab' wiqab'im xaq i jun chik uchapom i moxim. Keje ile lik uyakom u'ab' chikaj k'a are xkub'i i ij chwi jyub'.

Yin katwoy-ej ni puwi i nim laj ab'aj chila pa Horeb, yet kab'uj ni ach'amiy chwach i nim laj ab'aj le man kel li ya chupam re kkitu' aj Israel. I ma Moisés lik keje ile xu'an chkiwach i kinimaqil aj Israel. I ma Moisés xuya pub'i i jyub' le Masah xaq Meriba, rumal kich'ojinik aj Israel ru' ma Moisés xaq rumal xkik'am upam i Ajwal man xkib'ij: “¿O i Ajwal chqaxol o ntaj?”