Известные библейские стихи из Matiyò 22

Поделиться

Yerzù rzìi a mò alàhwɛ̀ nanù ema, “‘Lìŋgàna Rzàŋgò, Lòohwà la aŋgɔ̀ na mèèmà mò aŋgɔ̀ mò arzɛ, na èlìŋgɛ̀ ya aŋgɔ̀ ya arzɛ, na màlùtèyà ma aŋgɔ̀ ma arzɛ.’ Ene mbenda yɔ ndi e hwèlì e mbenda ya wòrzò, yɔ hvɛ ndi e hwèlì wòlìtò lì aka ja arzɛ. È mbenda ema e ùkirzɛ̀ ihwàkɛ ema yɔ̀hvɛ e òhvi wòlìtò nà è mbenda ya wòrzò, nanù ema, ‘Lìŋgàna e mòtò ema à ò kòmbɛ̀nɛ̀ na òma ò alìŋgànɛ̀yi ò wà witi.’

È mbenda ya arzɛ ya ama Mòrzè na hwèyòkòlèlì hwe arzɛ hwe hwà-òhwèlì hwa hwèlìŋgɛ̀ hwe rzɛmelì ndi ò ini mbenda ja ahwakɛ.”

Yerzù rzì a umbana mònò ŋmàna nanù ema, “Lohwɛ̀ a hwɛlɛyi rzayì-rzayì ja hwatò ò lì hwɛ ò rze ya lìkànèyà la eni ndi ŋgurzu ndi i hvɔ̀rzɔ̀hwì.”

Ò è hvònda ya hwèhvùmùwelì hwatò hwa rza ò hwaa tɔ̀ lì ŋgbààhwà ò mahwaa. Wɔ̀ hwa ò hwɛ ndi nàa i aŋgèlì ja ŋmanyu yà lohwà.

È nò uŋmɛ̀lɛ̀ e kahvà ema e gbeyànɛhwɛ ò lì tàŋgana e njàŋge ya lìkànèyà.” Hwà mà mò jàneyà e kahvà ya ɛ̀ɛkɛ̀ ema e hwɛ̀lɛ̀hwɛ̀ dìnalìyɔ̀rzì. Yerzù rzi a hwa ijòwa nanù ema, “Èlìŋgɛ̀ na lìinà la ama njɛnɛ lì lùutahwì anù nanù e?” Hwà mà mò alàhwɛ̀ nanù ema, “È la ama Kayirzà.” Yerzù rzi a hwa òhweyà nanù ema, “È ŋgbe Kayirzà mamɛ e hwèlì e ya ama Kayirzà. È ŋgbe hvɛ Lohwɛ̀ mamɛ e hwèlì e ya ama Lohwɛ̀.”