Известные библейские стихи из Romans 10

Поделиться

Aapquvgu qaneghpeneng, “Jesus Atanghuniluku,” ilugpenengllu ugpeqegkuvgu Kiyaghneghmun unguvaghtesimaniluku tuqulleghmeng, yugulillengellequten.

Yuuk ugpeghtuq ilumikun, enkaam Kiyaghneghem nallghusaghaa elqughutngalleghminun. Aapghaallu qaneghmikun ugpeqegkani, enkaam yugulillenguq.

Kina alngunak ugpeqillelgunaanghituq nagategpenani ungipameng Christ‑ameng ayuqelghiimeng.

Akuzitni Igaqegkani igaqngaaq, “Kitum alngunak ugpeqegkumigu ellnga kaynguyugnaanghituq.” Allangughutngitut Jews‑etlu Greek‑etlu qayughllak ataasiiguq Ataneq, Atanqaa tamaghhaan. Quyasteghllagaqaa tamaghhaan tuqlughilghii ellmineng. Katam Akuzitni Igaqegkani igaqngalghii, “Tamaghaghmi tuqlughilghii aatghakun Atanghem yugulillengyaghqaaguq.”

Naten yuget ungipaqilleqat ellnganeng wetku kayagtellengegkuyeng? Katam Akuzitni Igaqegkani igaqngalghii, “Pinighnaghhaghmeng itegiit tamaakut ungipaqilghiit Pinilghiineng Ungipaneng!”

Iwernga naten yuget tuqlughlleqatgu ugpenghilkumeng? Naten ugpeghlleqat, nagaquunneghilkumeng? Natenllu nagaqughlleqat ungipaqistengunateng?

Christ‑a kenlekaat Liilightuusat. Enkaam tamaghhaghmi ugpeqillelek Kiyaghneghem nallghusaghlleqaa elqughutngalleghminun.