1
Hebrews 1:3
New Testament-et Akuzipigestun
ess
Ighneghem kuukgutaqaa Kiyaghneghem nighughqellgha, Kiyaghneghtungwaaqlu ayuquq. Sangwaat qamaglluki nagneghastengngwii tawatelluki aghtughyaghqaanghilnguutgun akuzitmikun. Ighneghem tuunegkaqaa ellmi katam unguvalleni ukmangighnaluta tamaghhaaneng seghleghqellemnneng. Apeghiighyamigu tawaten pilleni, qilagmi aqumegkaaguq aghenqigneghakun Kiyaghneghem, aghtughyaghqaanghitelleghpigaam.
Сравнить
Изучить Hebrews 1:3
2
Hebrews 1:1-2
Sivunghani agani uglaghlukullu, allaaghhiinaalukullu Kiyaghneghem aleghquqaqii sivuneput uuknaliqistetgun. Iwernga ukuni kingulighni aghneghni aleghquqaqiinkut Ighneghmikun. Ellngakun Kiyaghneq nunangllaqaaguq, nakmikegkaqaallu piliitesqelluku sangwaa tamaghhaan.
Изучить Hebrews 1:1-2
3
Hebrews 1:14
Sangaawanꞌngam yaqulget? Qamaglluteng taghneghaagut qepghaatilghiit Kiyaghneghmeng, kayagtaqiillu kayusiitesqelluki tamaakut yugulillengyaghqat.
Изучить Hebrews 1:14
4
Hebrews 1:10-11
Whatenllu pikaaguq, “Elpek, Ataneq, piinlighyuggaaghmi nunangllaqaaguten, iiggegpenengllu qilagangllaqaaguten. Qamaglluteng aviighusaghqaagut, iwernga elpek kiyaghsaghqaaguten. Aghyughyaghqaagut aatkastun.
Изучить Hebrews 1:10-11