1
2 Corinthians 4:18
New Testament-et Akuzipigestun
ess
Sumeghtaghaatkumanginiigataput seghleliilleput. Itupill sumeghtaghaatkaqaput esghaghpagningilkeput. Qantaghaqun seghleliilleput kenletghuullequt, iwernga quyalleghput esghiigalkefut quunpekaghqaaguq.
Сравнить
Изучить 2 Corinthians 4:18
2
2 Corinthians 4:16-17
Enkaam iilqayugigatukut. Qaywa yugusiput kayaalikestaghyaghngaata, taghneghaput nutaghtengnguut aghhutanga tamaghhaan. Seghleliilleput sasqughhaagut muluyaghqaanghitut. Iwernga tamaakut yataaghqutngwiinkut allgeghtesqelluku Kiyaghneghmeng kenlengilnguq quyalleghllak. Enkaam seghleliilleput avangilngughestun ayuqut.
Изучить 2 Corinthians 4:16-17
3
2 Corinthians 4:8-9
Seghleliillengaqukut allaaghhiinatun iwernga kayaalqigatiinkut. Ilangakun kukragyullengaqukut iwernga sighimallghiisigatukut. Amyuqetaatkellengaqukut, iwernga Kiyaghneghem unisigatiinkut; aqnighqwaallengaqukut, iwernga tuqungigatukut.
Изучить 2 Corinthians 4:8-9
4
2 Corinthians 4:7
Iwernga whangkunnun Kiyaghneghem kanaghtekaqaa taana nighuk kuukgutesqelluku ilumnni. Whangkuta qikustun qantaghqastun ayuqukut, enkaam tamangan liigikelleqaat aghtughyaghqaanghiteghllak Kiyaghneghtaaniluku, whangkunneng pingunghinniluku.
Изучить 2 Corinthians 4:7
5
2 Corinthians 4:4
Ellngita ugpeqigataat ungipaghput qayughllak Tughneghaam, uum nunam kiyaghneghan, ayaastekaqii umyugiit. Esghanghitestaqaa nighuga Pinilghiim Ungipam nighughqellghaneng Christ‑am ayuqelghii. Christ‑a Kiyaghneghtun ayuquq.
Изучить 2 Corinthians 4:4
6
2 Corinthians 4:6
Kiyaghneghuuq whaten pikaq, “Yeqay nighuk kuukgulli mamlelleghmeng!” Ellnganguuq ataasiq Kiyaghneq kuukgutestilghii nighugmeng ilumnnun. Taaggun nighugkun liitaghput nighughqellgha Kiyaghneghem, kuukgullghii Jesus Christ‑am gginaaneng.
Изучить 2 Corinthians 4:6
Главная
Библия
Планы
Видео