Известные библейские стихи из Mi cilima 26

Поделиться

Ŋan yaa kaa mi naa diema nni n baa yaa ye leni a, ki seligi a, kelima n baa pa ŋa yaa diema n tie ne kuli, fini leni a yaabila po. N baa kubi min den poli yaa poli a baa Abalahama po.

N baa teni a puoliŋuani n yaa yabi nani tanpoli ŋmabila n yabi maama yeni. N baa pa yaa diema n tie ne kuli a yaabila, ki tinga nibuoli kuli baa baa li seli kelima a yaabila po. Li baa tua yeni, kelima Abalahama den cengi n nialu, ki kubi n ñoamabona leni n bali maama , n mabilikaama leni n yedima kuli.»

O go den foagidi lankani, ki go gbiidi caatoali ke bi naacenba yeni naa go den koani leni o. O den yini laa caali Rehoboti. O den yedi: «Li tie ke o Diedo puni ti mi fanma moala yo, ke ti baa mi diema ñuadi.»

O Diedo den doagidi o kani ki yedi: «Ŋan da gedi Ejipiti diema nni. Ŋan yaa ye min baa waani a yaa diema nni.

Lankane ke Isaaka den maa li padibinbinli ki jaandi Li Miali Diedo, ki go sieni o gbandieli. Isaaka naacenba go den gbiidi li caali lankani.