Известные библейские стихи из Mi cilima 15

Поделиться

Abalama den daani o Diedo yedima, lani yaa po o Diedo den coadi o po la ke li tie teginma.

Laa bonla kuli n den pendi, o Diedo den maadi leni Abalama li bonlekaala nni, ki yedi o: «Abalama, ŋan da jie, n tie a po a gbankoandigu, ŋan baa baa yaa panpaani baa yaa yabi hali boncianla.»

O den teni ke o ñani o gbandieli nni ke o yedi o: «Diidi tanpoli ŋmabila ki coadi a, a yaa sua ke a baa fidi.» O go den yedi o: «A puoliŋuani baa yabidi yene.»

Lanwani, o Diedo go den maadi leni o ki yedi mine: «Laa tie wani ka baa tua a faajielo, ama li baa yaa tie a bimadiga yua n baa ña a tugu nni, wani n baa tua a faajielo.»

O Diedo den yedi Abalama: «Ŋan bandi ke a puoliŋuani baa ti faa ki kali diemiba nni, ki yaa tie canba. Bi baa tua yonbi laa diema nni, ban waani ba fala hali bina kobinaa.

Abalama den guani ki yedi: «O Diedo n Tienu, ŋan baa pa nni yaala pia n po mi laa fuome, ke n caa ki baa kpe kaa pia biga? Lanwani, n piama kuli faajielo tie n yonbo Elieseri ban mali yua n diegu nni, wani Damasi dogu yua yeni.»

Landaali denge ke o Diedo den poli ki niani Abalama ki yedi o: «N puni a yaabila mi naa diema, ki cili Ejipiti kpenu, ki gedi hali u kpenciamu, lani n tie Efrati.

Nifiiminaa yaa yogunu, bi baa guani ki yaa ye nekanba, kelima li baa sua ke Amoriti yaaba biadima yabidi ki tuoni mi bianu.»