Известные библейские стихи из KALAPPASSANG 5

Поделиться

Nampa a'lampamo Musa siagang Harun mange andallekang ri Karaeng Mesir. Nakana ke'nanga, “Kammaminne parentaNa Batara, Allata'alana Israel, ‘Sarei ising bansaKu a'lampa sollanna akkulle ke'nanga anggaukangi ibadana mae ri Nakke ri parang lompoa.’ ”

Baku' le'bakku andallekang ri karaenga siagang a'bicara lalang arenTa, appakkaramulami nasessa anne bansaya. Nampa tena apa-apa Kigaukang untu' antulungi ke'nanga.”

Nampa andallekammo pole Musa ri Batara na nakana, “O, Batara, angngapa naKigau' kodi kamma bansa Israel? Angngapa naKisuroa' mae anrinni?

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

Mingka suroi ke'nanga appare' batu bata tena nakurang jaina battu ri allo-allo le'baka. Eroki ke'nanga a'malasa'-malasa'; iaminjo saba'na natulusu' jai bicara ke'nanga sollanna nisare ising untu' a'lampa assare koro'bang mae ri Allata'alana ke'nanga. Passa ngasengi anjo taua pila' anjama battala', sollanna sibu' ri jama-jamanna, siagang tenamo kasampatanna allangngere' carita-carita balle-balle.”