Известные библейские стихи из KALAPPASSANG 15

Поделиться

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

Nampa battumo ke'nanga ri se'reang tampa' niarenga Mara, mingka paiki anjoreng je'neka, sa'genna takkullea niinung. Lanri kammana minjo naniaremmo anjo tampaka Mara, battuanna pai'. A'moro-moromi anjo taua mae ri Musa siagang akkuta'nammi ke'nanga ri ia angkana, “Apamo laniinung?” Appala' doang dudumi Musa mae ri Batara. Nampa nipicinikiammo ri Batara sipolong kayu. Naallemi Musa anjo kayua nampa napasambila antama' ri je'neka, sa'genna a'jari la'ba anjo je'neka, nakkullemo niinung. Anjoremmi ri tampaka assare Batara paratorang-paratorang mae ri ke'nanga, siagang anjoreng tommi Naso'ri ke'nanga.