Известные библейские стихи из SURO-SURO 3

Поделиться

Jadi sampesuwu-sampesuwu, kajeamo komi nggari pokainggumu to naja'a pade manjili ri ja'i Alatala ala silaka-silaka komi rapakalipona.

Tapi nanguli i Petrus ka i'a, “Da'a ntoto naria doiku, tapi nuapa to naria ri ja'iku, etumo kuwai ka iko. Ante kuasa Yesus Kristus to Nazaret etu, polumakomo iko!”

Pade i Petrus nanjoko pale nggana topunggu etu, pade nantulungi i'a nekanggore. Kaliu-liu narosomo kada ante wuku lali ntopunggu etu. I'a kaliu-liu nekanggore pade nompamula nolumako gusa'a guse'i. Naopu etu nesuamo i'a riara Sapo Mpepue mpasanggani-nggani ante i Petrus bo Yohanes. I'a nolumako pade nekawantu-wantu pade nantoiya Alatala.

Pade topunggu to nikita pade ninjani komi e'i nipakabelo ante kuasa sanga Yesus. I'a nabelo ntotomo ri ngayo komi ri se'i sabana pomparasaya ka Yesus etu.