Известные библейские стихи из Matta 24

Поделиться

Aḏ tenqes ȓemḥibbeṯ jar yiwḏan minzi aḏ ikṯar ccarr. Walakin wenni ɣa iṣbaren ɣar uneggaru ataf aḏ injem.

Lʼinjil n ȓmulk n Arebbi axas ḥeddṯen yiwḏan ḏi marra ṯimura n ddunect ḥima aɣarsen ṯiȓi chaḏeṯ xafi. Ȓexddenni iy d ɣa yas ȓefna.

Xmi ɣa ṯesȓam x lḥurub ḏ ȓexbar n lḥurub war teggwḏem ca, labud zi manaya. Walakin ddunect-a ƹaḏ war ṯfenni ca.

Dduwla aḏ tehjem x dduwla, lmemlaka aḏ tehjem x lmemlaka. Aḏ yiȓi jjuƹ aḏ iwqeƹ zzinzal ḏeg waṭṭas n imucan. Marra manaya aḏ yiȓi amecnaw ȓeḥriq amezwaru n ṯemɣarṯ itarwen.

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Aḏ xeḏƹen aṭṭas n yiwḏan.

Ssenni akenniw sellmen yiwḏan ḥima akenniw ƹeddben, akenniw nɣen. Marra dduwal akenniw ƹiffen ƹlaḥsab isem inu. Aṭṭas iy ɣa ikfaren zeg yinni iy yumnen. Aḏ zzenzen ayawya, aḏ ƹiffen ayawya. Aḏ d meḍharen aṭṭas n yiwḏan aḏ arren ixef nsen ḏ lʼanbiya, aḏ xeḏƹen aṭṭas n yiwḏan.

Ijaweb-iṯen Ƹisa inna-asen: "Ḥḍam ixef nwem ḥima war kenniw ixeddeƹ ḥadd.

X manaya, swejḏem ixef nwem minzi Mmis n bnaḏem aḏ d yas ḏeg yijjen n ṯsaƹƹat war ṯ trijim ca.

X manaya faqem baƹda, qa war ṯessinem ca meȓmi d ɣa iḏweȓ Siḏiṯwem.

Cuf, nhar nni niɣ ṯsaƹƹat nni war t issin uȓa ḏ ijjen, lla lmalaʼikaṯ ḏeg ujenna uȓa ḏ Mmis. Issen-it ɣir Baba waḥḏes.

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Amecnaw mamc iwqeƹ ḏi ȓiyyam nni n Nuḥ, amenni iy ɣa iwqeƹ xmi d ɣa iḏweȓ Mmis n bnaḏem. Yiwḏan ḏi ȓweqṯ nni qbeȓ i ṭṭufan, tuɣa tetten, sessen, meǧcen twasmeǧacen, ḥetta aȓ nhar wami yuḏef Nuḥ ḏeg uɣarrabu. War fṭinen ca aȓ wami d yusa ṭṭufan isɣareq-iṯen marra. Ammu iy ɣa iwqeƹ xmi d ɣa iḏweȓ Mmis n bnaḏem.