Известные библейские стихи из Matta 21

Поделиться

Inna-asen: Meȓa ṯumnem, aɣarwem yiȓi marra min ɣa ṯettarem i Arebbi ḏi ṯẓaǧiṯ nwem."

Indeq-d Ƹisa inna-asen: "Aqa tesȓam ȓḥaqq: Mȓi ḏaywem lʼiman war ṯcekkim ca, ataf aḏ teggem ktar zi min itwaggen i ṯcejjarṯ-a. Meȓa ṯennim i uḏrar-a: Neqȓeƹ-d cek ssanita ṯmenḍareḏ ḏi ȓebḥar, ataf aḏ ineqȓeƹ.

Yinni igguren zzaṯes ḏ yinni iy ṯ iḏeffaren qqaren: "Lƹaḍama i Mmis n Ayṯ-Dawed! Ssaƹḏ n wenni iy d yusin ƹlaḥsab isem n Siḏi Arebbi. Lḥamdu i Arebbi yuƹȓan."

Inna-asen: "Lkitab iqqar: <Ṯaddarṯ inu aḏ tiȓi ḏ ṯaddarṯ n ṯẓaǧiṯ.> Walakin kenniw ṯarrim-teṯ ḏ ifri n ixewwanen."

"Inim-as i yeǧis n Lquds: Xzar, azeǧiḏ nnem yusa-d ɣarem, war ḏayes bu ttakebbur. Inya x yijjen n ṯeɣyuȓṯ, ḏ usnus mmis n ṯeɣyuȓṯ."

Inna-asen Ƹisa: "Ma ƹemmarṣ war ṯeɣrim min yurin ḏi Lkitab? <Azru iy ƹiffen ibennayen, iwqeƹ ḏeg umcan aṣebḥan ḏi ṯɣemmarṯ n dsas. Ḏ Siḏi Arebbi ig iggin manaya, ḏ ijjen n ȓḥajeṯ ḏ ṯameqqrant!>

S manaya qqareɣ-awem: Ȓmulk n Arebbi aḏawem itwakkes aḏ immuc i yijjen n ccaƹb ig iteggen ȓxir.