Известные библейские стихи из OKUVA E MISIRI 2

Поделиться

Katonda n'awulira okusinda kwabwe, n'ajjukira endagaano ye gye yakola ne Aburahamu ne Yisaaka ne Yakobo. Katonda n'alaba okubonaabona kw'Abayisirayeli, n'abalumirwa.

Nga wayiseewo emyaka, kabaka w'e Misiri n'afa. Naye Abayisirayeli ne basigala nga bakyasinda olw'obuddu bwabwe. Ne bakaaba, era okukaaba kwabwe ne kutuuka eri Katonda.

Omwana bwe yakula, n'amuleetera muwala wa kabaka. Muwala wa kabaka n'amufuula mutabani we, n'amutuuma erinnya Musa, ng'agamba nti: “Kubanga namuggya mu mazzi.”

Muwala wa kabaka n'agamba omukazi nti: “Twala omwana ono omunnyonseze, ndikuwa empeera.” Omukazi n'atwala omwana, n'amuyonsa.

Awo muwala wa kabaka n'aserengeta ku mugga okunaaba. Abazaana be ne batambula ku lubalama lw'omugga. N'alaba ekibaya mu kitoogo, n'atuma omuzaana we okukireeta.

Lwali lumu, Musa ng'amaze okukula, n'agenda okukyalira baganda be Abeebureeyi, n'alaba nga bwe batuntuzibwa. N'alaba n'Omumisiri ng'akuba Omwebureeyi, omu ku b'eggwanga lya Musa. Musa n'amagamaga eruuyi n'eruuyi, n'alaba nga tewali muntu, n'alyoka atta Omumisiri, n'amukweka mu musenyu.