Известные библейские стихи из Римлянэнгэ 6

Поделиться

Пал-дова́ со плэскирибэн пал грэ́хо исын мэрибэ́н, а Дэвлэ́скиро тала́но пир бахталыпэ́н исын ве́чно джиибэ́н дрэ Исусо́стэ Христосо́стэ, амарэ́ Растэ-Дэвлэ́стэ.

Пал-дова́ со грэ́хо на явэ́ла буты́р пэ тумэ́ндэ тэ хулаинэ́л: пал-дова́ со тумэ́ какана́ сан на тэл Зако́но, а тэл бахталыпэ́н.

И адя́кэ амэ мыям кхэтанэ́ Лэ́са пир болдыипэн дрэ мэрибэ́н, соб (кай), сыр Христо́со сыс отджидякирдо мулэ́ндыр Дэвлэ́скирэ слава́са, адя́кэ и амэ́нгэ тэ джива́с дрэ нэво́ джиибэ́н.

И на отдэ́н тумарэ́ маса́ грэхо́скэ сы́рбы дрэ васта́ ваш начачипэ́н, а тумэ́ отдэ́н фэды́р пэс Дэвлэ́скэ, сыр тумэ́ сы́рбы отджидынэ мулэ́ндыр дрэ джиибэ́н, и отдэ́н тумарэ́ маса́ дрэ Дэвлэ́скирэ васта́ ваш чачипэ́н.

и амэ джина́са, со ману́ш, саво́ англэды́р сы́рбы дживдя́ дрэ амэ́ндэ, сыс примардо пэ трушу́л Лэ́са ваш дова́, соб (кай) амарэ́ грэхи́тка маса́ тэ хасякирэ́н пэ́скири зор ваш чорипэ́н, и соб (кай) амэ тэ на явас буты́р дына́рья грэхо́скэ.

Адя́кэ-паць и тумэ́ гинэн пэс мулэ́нца ваш грэ́хо, нэ тумэ́ гинэн пэс джидэ́нца ваш Дэвлэ́скэ дрэ Исусо́стэ Христосо́стэ.

Со ж амэ пхэна́са? Ци тэ ячаспэ амэ́нгэ дро грэ́хо, соб (кай) тэ барьёл Дэвлэ́скиро бахталыпэ́н? Над. Амэ мыям ваш грэ́хо, сыр амэ могинаса дурэды́р тэ джива́с дрэ лэ́стэ?

Ци на джинэ́на тумэ́, со конэ́скэ тумэ́ отдэна пэс сыр дына́ри дрэ кандыпэн, тумэ́ сан и дына́рья одолэ́скэ, конэ́с тумэ́ кандэ́на: ци тэ явэ́л дава́ грэ́хо, саво́ лыджа́ла кэ мэрибэ́н, ци тэ явэ́л дава́ грэ́хо пир кандыпэн, саво́ лыджа́ла кэ чачипэ́н?

Нэ парикираса Дэвлэ́скэ, со тумэ́ ж са́нас англэды́р бутярнэ́ ваш грэ́хо, а тумэ́ какана́ лынэ́ тэ шунэ́н сарэ́ илэ́стыр дова́ сыкляибэн, савэ́скэ тумэ́ отдынэ́ пэс. А ке́ли тумэ́ гинэ́ криг грэхостыр, и тэды тумэ́ ячнэ́ писхарьёнца ваш чачипэ́н.