Известные библейские стихи из Matfey 24

Поделиться

Zakonsuzluk zeedelenecek, onuştan çoyunda sevgi suuacek. Ama kim bitkiyädän dayanacek, o kurtulacek.

Gök Padişahlıın İi Haberi bütün dünnedä nasaat olacek, şaatlık olsun hepsi milletlerä, da ozaman bitkisi gelecek.

İşideceniz cenk uultusu hem haber cenklär için. Bakın, korkmayasınız. Zerä hepsi bunnar lääzım olsun, ama bu taa diil bitkisi.

Zerä millet milletä, padişahlık padişahlaa karşı kalkacek. Kimi erlerdä olacek aaçlık, /salgınnar/ hem er tepremeleri. Ama hepsi bunnar salt büük kahırların çeketmesi.

Er hem gök geçecek, ama Benim sözlerim hiç geçmeyecek.

Zerä çoyu gelecek Benim adıma da deyecek: „Bänim Hristos“, da çoyunu aldadaceklar.

Ozaman zeetleyeceklär sizi hem öldüreceklär, hem Benim adım için hepsi milletlär sizdän azetmeyecek. Çoyu inandan düşecek. Biri-birini sataceklar hem azetmeyeceklär biri-birindän. Kalkacek çok yalancı proroklar da çoyunu aldadaceklar.

İisus cuvap etti onnara: «Bakın, birkimsey aldatmasın sizi.

Onuştan siz dä olun hazır, zerä Adam Oolu gelecek o saatta, açan hiç düşünmeersiniz.

Onuştan kuşku olun, zerä bilmeersiniz, ne günü Saabiniz gelecek.

O günü hem o saadı kimsey bilmeer: ne gökteki angillär, ne dä Ool, ama salt Boba.

Zerä peydalanacek yalancı hristoslar hem yalancı proroklar. Yapaceklar büük nışannar hem şaşmaklı işlär, aldatsınnar deyni, olarsaydı kolay, artık seçilmiş olannarı da.

Nicä oldu Noyun günnerindä, hep ölä olacek Adam Oolunun gelmesindä dä. Nicä o günnerdä potoptan ileri iyärdilär, içärdilär hem evlenärdilär o günä kadar, açan Noy girdi gemi içinä, da bişey şüpelenmärdilär, potop gelmeyincä da hepsini telef etmeyincä, hep ölä olacek Adam Oolunun gelmesi dä.