Известные библейские стихи из Chukusakị 37

Поделиться

Gbọrị ḍin Josẹf ḅe ọ̀ ḍawọmẹ, ọ̀ ḍawọ mị ḍuko oria mịnapụma pịrị sịkị ini ò ḍikiḅụnwọnwọtẹịnmẹ.

Jekọb ḅe ò Josẹf ḅe ḅẹlẹmatẹịn ísí oria owuapụ awọ mamgba nẹngịmẹ, anịatịḅị ò ḅo olomu sịkị mị ori ò yiye-ẹ. Ḅara nangwọ koro ḅụchụaye ọ̀ nwọ gbin ọ̀ pịrịmẹ.

Oria owuapụ mịnapụma ḅo ọrịmẹ na inia ḍaḅe ò Josẹf ḅe ḅẹlẹmatẹịn ini nẹngịmẹ nwọ ḅẹsịkị, ini ḅo ò ḍikiḅụnwọnwọ so ọkụma, ini ḅarị dein pụkọ se ọkwẹịn ọ̀ pịrịkẹ.

Anịeso Josẹf ḅe ọ̀ pịkị jịn ḍawọ kọn se ḍuko oria owuapụ mịnapụma pịrịmẹ. “À jịn ḍawọ kọnsam, anịa ḅie àrị ịrụa mị na, akalụ mị na pịkị oyigbọrị lolia fịnjị nwọ ọrịmẹ tịḅịtu ị̀ pịrị aḅẹ.”

Josẹf ḅe oria owuapụ mịnapụma ini ò ḍiki pụkọ solimẹ, ọkụma ḍawu ḅe ọ̀ pa ḍuko ayema ḅụ koroma kọn aḅẹ.

Ọ̀ nwọ ḅẹmẹ, “À kọn ḍawọ mị ọ́ nwọ poki. Mine mgba gbọrị ozu ḅie wa fịturu-mịẹ-ịpịamgba kpọkpọ koḅiri koromaḅẹ, anịsịkị ị̀yaye mị sịsẹ gelema chịẹmẹ. Ọ́mịnaye ma ị̀yaye mị gbori kelema se tịḅịtu ị̀yaye mị pịrịmẹ.”

Ó ḅo wa ọ̀ ḅaa, se oria oju mị se gbọrị samịna olulu ḅie gbin. Wa ineda ḅẹḅịa na gbọrị owoi nama ọ̀ ḅaamẹ. Anịsịkị oria ḍawọ ma ḅo mịẹḅịa ọkụ wa nwọ ḍikiḅịa.”

anịeso Midia tuḅoni ḅo ini lasịkị, oria mịnapụma olulu mị ḅie Josẹf ḅe jine pakụmaḅo se ò se Ishmẹl apụma dẹrịmẹ, seleḅa si okpokpo, se ini ò se so Ijipt mun mẹ.

Ini nwọse jụmḅọ jụmḅọ ḅẹmẹ, “Ḍawọ ḍawọḅọ ḅe ò ḅo aḅẹ.

Sasaju ini ori ọrịmẹ, ma ò mun ini laka simeogbo, ini ḅẹrẹḅia ọ̀ pịrịmẹ na ini ọ̀ ḅaaḅịa.

“Ọ́ papa ò se mị onwun ele ḅie sime olulu mị ḅie gbin, ọkụma ó ye se ọ̀ lamama.” Ọ̀ mịn mị ḍukomẹ pa inia ḅara ḅie ọ̀ pọkọḅo se ò seni ḍawu ḅe fịrịmaḅịaye gose.