Известные библейские стихи из Chukusakị 27

Поделиться

Ye Nyanaḅọ Ḅe soḅie otita se ị́ fịrịma, ọ̀ mịẹse ị́ya ozuma lọkọlọkọ! Ye ọ̀ ḅakama chịnmgbọlụ na iru na se ị́ pịrị! Ye tọn-a sẹ ị́ya fịrịnwẹngịapụ sọ, pịkị ye tomoni tịḅịtu ị́ pịrị. Ye ị́ ḅẹrẹtọn ị́ya mịnapụ mamgba pịrị, ye ị́ nyengi mịnapụ mamgba tịḅịtu ị́ pịrị. Ye ị́ woriapụ ma, worinime nyana, pịkị ị́ ḅẹlẹma apụ ḅẹlẹma nyana.”

Isọ ḅe nwọ ḅẹmẹ, “Mị na mama sịkị ọ̀ nwọse ị̀ inumasam. Pikiḅịa ọkụ ofori-ẹ oria ẹrẹ anị Jekọb-ẹ. Ị̀ya tatarị yi owutọkụ kiri mị ori ọkịmẹ, mịọkụ ọ̀ pịkị ị̀ya ḅẹlẹma mị ọkịsam. Gbọrị ḅẹlẹma sọnị ị́ se ị̀ wẹrịmaka?”

Anị Aịzịk ḅe nwọse ọ̀ ḅẹye-ẹ, “Ị́ soḅie otita nyana ẹkẹ, Lọkọlọkọ fịye pakụma kiri sime ị́ pịrị ẹkẹ. Ị́ya okola-agiji ḅụ mị ị́ wẹrị ḍumoḅịaye-ẹ, Ọkụma ị́ mbire ḅe oria omoniḅọ mị ị́ sọḅịaye-ẹ, Ọkụma ị́ kọngọ kụrọmamẹ ḅẹḅẹ oria ḅẹrẹtọn kụrọḅụ ị́ pọkọḅịa.”

Isọ ḅe ọ̀ pa ḍawu ḅe tẹkẹ aḅẹ, “Gbọrị ḅẹlẹma kẹngẹ ị́ nwọ nyanasọ, ḍaḍa? Ị̀rị̀sọ ị̀ ḅẹlẹma, ḍaḍa!” Se ọ̀ sakị owumẹ.