Известные библейские стихи из Pakaso 32

Поделиться

Tomonima ḅo ọrịmẹ na Moziz ḅe tụndụ mị ọgọnọ ma ọ̀ pa koroḅokẹ, ọkụma ọ̀ pịkị anịnyọ sime ḅọlọ sịkị la aḅẹ nwọḅẹ sịkị, ini koḅirima Erọn ḅe kelema se nwọse ọ̀ ḅẹmẹ, “Ḅe Moziz ḅe, ọ̀ ḅụ pakaye wa nemikẹ; anị Ijipt ḅie wa ọkị pakụmaḅoḅọ ḅe, anịẹrẹchị mine se tọrọkọ ịsụn ḅịa oru nwọ tẹmẹ wa pịrị.”

Nyanaḅọ Ḅe nwọse Moziz ḅe ḅẹmẹ, “Mị gbọrị kirikiri sarama vinpịkị chuku koro, anịatịḅị ị́ya tomoni, Ijipt ḅie ị́ ọkịpakụmaḅo apụma ini simịẹ pịkị ị̀ sịkịsam. À tọn ini pịrị na, ini nwẹngị-ẹ nwọḅẹ ateli mị ḅụ ini ḅarasinsam; ini goli sanị se owoi nambulo tẹmẹ pịkị tịḅịtu anị tẹkẹsam, ini agbamịẹ anị pịrịsam. Ini ḅẹaḅẹ na ḅe anị inia tamụnọ-ẹ Ijipt ḅie ini ọkịpakụmaḅoḅọ ḅe-ẹ.

Se Erọn ḅe, goli goli owoi-nambulo ḅe tọrọkọ, gbọrị agbamịẹ ẹbẹ nwọ nama se ḍukopakụmamẹ na, “Ḅa, osi se Nyanaḅọ Ḅe pịrịḅịa fịaye fị opu alalị kiri ọkịḅịa.” Anị ḍukoma eneḅa dede ḅie ini se dọkịma agba mịẹḅịa da nama ini nwọ ọkịḅomẹ, pịkị ini se gboloma ḍiepịrịaye agba mịẹ se pẹịḅịa jịn-a nama na nwọ ọkịḅomẹ. Tomonima, ini kpọnjị sime fị alalị mị, anịḅo iruḅu, owoi nyọfiema pịkị ama na ere na gboloma alalị nwọ sọmẹ.

Anịḅe ene ḅa Moziz ḅe nwọse tomonima ḅẹmẹ, “Opuma ḅalafama si ọ́ nwọ mịẹsam. Ọkụma mịọkụ à pịkị tụndụ mị tanjị iwo Nyanaḅọ Ḅe damamunḅịa; sosi àrị ineda ọ́ mịẹasi ma ḅụ Nyanaḅọ Ḅe ḅara siḅụ-ḅarasin ḅi ómine pịrịḅịa.”