Известные библейские стихи из Pakaso 20

Поделиться

“Ị̀rị̀ anị Nyanaḅọ ọ́mịna Tamụnọ Ḅe-ẹ, Ijipt mị ḅie ómine ọkị pakụmaḅoḅọ ḅe-ẹ, anị ómine omonisọ sime nyọ mị ḅụ. “Ó jịn-a oru tẹkẹma ị̀ sikima ọkụma.

“Ómine ini karasa oru mịẹ ọ́ ḅụ pịrịma, soḅie simeye, anịkanịka sẹkiri simeye sọnị, anịkanịka sẹkiri chuku mengi ḅie simeye na kịkịnaye sọnị. Ọ́ tịḅịtu gbọrị oru sọnị pịrịma pịkị anị tẹkẹma, anịatịḅị Ị̀rị̀ anị Nyanaḅọ ọ́mịna Tamụnọ Ḅe anị sime ị̀ pịrị osi se jịn-a oru pịrị ḅụḅẹlẹḅẹlẹkaḅọ ḅe. Taraka se ị̀ wẹrịma apụma à ḅụfụka se ini pịrịpịrịmẹ, pịkị inia awọma na, ọkịmun tẹrẹ-a ḅụọ na inein-a ḅụọ na la.

“Ị́ ḍa na nyengi na osi, mịẹse à seni ọ́ pịrịarị ama mị ḅie ó ḍumo ḅọlọḅịa ọkụ.

“Ịnyọsara Ene mị se ḅiekoroma se anị ọlọ fịafịama.

“Ị̀ya ẹrẹ mị seni si ḅọkọ ḅụ chịnma, anịatịḅị Ị̀rị̀, Nyanaḅọ ọ́mịna Tamụnọ Ḅe, à fomuḅara se karakaraka ḅọkọ ḅụ ị̀ya ẹrẹ mị chịnḅọ nwọ pịrịḅịa.

Sonio-a ḍin anị ó se fịrịnwẹngịḅịaye-ẹ, ọkụma sọnọma ḍin karama ene mị anị ịnyọsara ene-ẹ, anị osiḅụ sime ị̀ pịrịmẹ. Anị ene mị ḅie gbọrịḅọ sọnị fịrịnwẹngị-ẹkẹ—ómine, anịkanịka ọ́mịna awọma, ọ́mịna omoniapụ ma, ọ́mịna namama, pịkị ọ́mịna sẹ mị ḅie anga igoniapụma sọnị.

“Ị́ juo tomoniḅọ warị ḍikipụkọsolima, tarọ ma sọnị, oria omoni ma sọnị, oria nambulo sọnị, oria yepụra asụn sọnị, pịkị oria ye goyegoye sọnị.”

“Iruoye se ị́ juo tomoniḅọ ọgọnọ gbanama.

“Sẹ fịma.

“Nweni ḅaama.

“Furuma.