Известные библейские стихи из Pakaso 15

Поделиться

Ọ̀ nwọ ḅẹmẹ, “Ó nemikase ị̀ ḅịpịpoki se karakaraye mị kẹngẹ nwọ mịẹ pịkị à tọn ọ́ pịrịayema nwọ mịẹmẹ ḅẹḅẹ, à seni Ijipt apụma pịrị obi ma ḅụ gbọrịye sọnị à se fomuḅara ḅụ ọ́ pịrị-ẹkẹ. Ị̀rị̀ Nyanaḅọ Ḅe anị ọ́ gwọgwọḅọ ḅe-ẹ.”

Nyanaḅọ Ḅe anị kụrọma ị̀ ḍụarịḅọ ḅe-ẹ; ori anị ị̀ ḍụaḅọrọmaḅọ ḅe-ẹ; Ori anị ị̀ Tamụnọ Ḅe-ẹ, à pịkị ò tokoniḅịa, ị̀ ḍaḅe Tamụnọ Ḅe, à pịkị oria opu mị se nime chuḅịa.

“Yei Nyanaḅọ, oru ma ḅụ tụḅọ ị́ kịkẹ? Tụḅọ ị́ kịkẹ, ḅụgbiripuma osiḅụ simeḅọ, tokoni nyana ḅalafamaḅọ? Tụḅọ ị́ kịkẹ ḅe ḅụgbiripuma fịrịnwẹngị ḅụ pịkị kụrọye mịẹḅụ na?

Kuḅie se ḅụgbana na gbẹịnḅọ ị́ nwọ sọmẹ ị́ ḅereniye mị ḅụ, ị́ tọrọkọ tarị ị́ ḍụaḅọrọmasa apụma pịrịmẹ; ị́ya kụrọ ḅụ ị́ ini pamun ị́ya osiḅụ sime ama mị lamamẹ.

Ini ḅo Mara nwọ chịn gbọrị anga nwọ lamẹ, ọkụma anị nyọ sime mengi mị opuma akụmẹ gose ini ineda anị ḅukẹ. Anị ini gose Mara nwọse anị chịnye-ẹ. Tomonima ini ḍuko Moziz ḅe sua se nwọse ò gbelamẹ, “Nde wa ḅuḅịaye?” Moziz ḅe ori ò kuḅie laḅara se Nyanaḅọ Ḅe tẹkẹmẹ, se Nyanaḅọ Ḅe gbọrị chịn ikiḅa nwọse ò ḍiemẹ, ori anị seni mengi mị ḅie gbinmẹ; se mengi mị pịkịḅo ḅu mengi nwọ sọmẹ. Anịanga ḅụ Nyanaḅọ Ḅe ini seni inia ḅụ kekeḅịa olokoma nwọse ini pịrịmẹ, ọ̀ pịkị anịanga ḅụ ini ḍaḍikimẹ.