Известные библейские стихи из - मत्ती 7

Поделиться

मांगौ, तो तुम हां दओ जै है; ढूढ़ौ, तो तुम पा हौ; खटखटा हौ, तो तुमाए लाने खोलो जै है।

कायसे जो कौनऊं मांगत आय, ऊहां मिलत आय; और जो खोजत आय, बो पात है? और जो खटखटात आय, ऊके लाने खोलो जै है।

ई लाने जो कोऊ मोरी इन बातन हां सुनके ऊन हां मानत आय, बो ऊ होसियार मान्स की तरहां हुईये जीने अपनो घर चट्टान पे बनाओ।

ई लाने जैसो तुम चाहत आव, कि मान्स तुमाए संग्गै करें, तुम सोई उन के संग्गै वैसई करो; कायसे पुराने नैम और आगमवकतन की जाई शिक्षा आय।

कायसे सकरो आय बो फाटक और सकरी आय बो गैल जो जीवन की कोद लै जात आय, और तनकई आंय जो ऊमें पिड़ पात आंय।

सकरे द्वारे से घुसो, कायसे बड़ो आय बो फाटक और चौंड़ी आय बा गैल जो विनास हां लै जात आय; और बिलात आंय जो ऊमें पिड़त आंय।

सो जब तुम बुरय होकें, अपनी लडेर हां साज़ी बस्त देबो जानत आव, तो तुमाओ बाप जौन सरग में रहत आय अपने मांगबे बारन हां साजी बस्त काय न दै है।

लांछन न लगाओ, जीसे तुम पे भी लांछन न लगाओ जाबै। कायसे जी भांत तुम लांछन लगात आव, ओई भांत तुम पे भी लांछन लगाओ जै है; और जी हिसाब से तुम नापत आव, ओई हिसाब से तुमाए लाने सोई नापो जै है।

पर जो कोई मोरी इन बातन हां सुनत आय और ऊको पालन नईं करत, बो ऊ मूरख की घांई आय जीने अपनो घर रेता पे बनाओ।

तें काय अपने भईया की आंख के तिनूका हां तकत है, और अपनी आंख कौ लठ्ठा तोए नईं सूजत? यानि तें अपने भईया से कैसे कह सकत आय, कि आ मैं तोरी आंख कौ तिनूका काड़ देओं।

लबरे आगमवकतन से चौकन्ने रहियो, जौन गाड़रन के भेष धरके तुमाए ऐंगर आत आंय, पर भीतरै से बे भूखे फाड़खाबे वारे बिगना आंय। उन के फलन से तुम चीन लै हौ का झड़ियन से अंगूर, वा ऊंटकटारे से अंजीर तोड़त आंय?

ऐसई हरएक उमदा पेड़ उमदा फल लात है, पर बुरओ पेड़ो, बुरओ फल देत आय।

उमदा पेड़ बुरओ फल नईं दे सकत, और न बुरओ पेड़ उमदा फल दे सकत है।

हर एक पेड़ जो उमदा फल नईं देत, बो काटो और आगी में बारो जै है।