Известные библейские стихи из - एस्तेर 4

Поделиться

तब मोर्दकै ने एस्‍तेर के लिगां जौ कहला पठैव, “तें हिया में जौ बिचार नें कर, कि मैंई राजभवन में रैबे के कारन और सब यहूदियन में सें बची रैहों। कायसे जो तें ई बेरा चिमानी रई, तौ और कौनऊं उपाय सें यहूदियन कौ छुटकारा और तरनतारन हो जैहै, परन्‍त तें अपने और अपने बाप के घराने समेंत नास हुईयै। का जाने तोहों एैसई कठन बेरा के लाने राजपद मिल गओ होए?”

“तें जाकें शूशन के सब यहूदियन हों इकट्ठो कर, और तुमोंरें मिलकें मोरे लाने उपास करौ, तीन दिन रात नें तौ कछु खाओ, और नें कछु पीओ। मैं सोई अपनी सखियन समेंत ऐई तरहां उपास करहों; और एैसई दसा में मैं नियम के बिरूद्ध राजा के लिगां भीतर जैहों; और जदि नास हो गई तौ हो गई।”