Известные библейские стихи из Warumi 3

Поделиться

Koro wanaad̯amu wonse wahenda nabvise na wapfungukijwa ni udheru wa Muungu. Ela kwa dzambo ḍya t̯eiye, Muungu kawapfa wanaad̯amu wonse t̯ubvo ḍya kuwahendeza wawe wahachi usoni kwakwe. Kahenda hivi kwa kumuhuma Yesu Kirist̯o adziye akiwayavya nabviseni na akiwaweka huru.

Muungu anawahwaa wantu kuwa wahachi kuuḅana na faro weyonayo kwa Yesu *Kirist̯o. Na anahenda hivi kwa wonse wahikiziyeo, kwa kwamba ntaku ugaragara kahi ya Wayahud̯i na wantu wa vyeet̯i vingine.

Muungu kamuyavya Yesu awe dza mvuugiya ili kwamba kuchiiya na kwa hu mwaziwe ehiyeo, hawaḍe wamuhikiziyeo wapate kuyatsijwa nabvise zao. Kavihenda nangere ili apate kuwayanga wanaad̯amu kwamba jeje ni muhachi. Koro kae Muungu kawait̯isia wanaad̯amu hat̯a nkakuwahukumu kwa nabvise zao wahendeyezo. Na kwehii ngera ya yeo, Muungu kayanga wazi tswee kwamba jeje ni muhachi. Na hawaḍe wanabvise wamuhikiziyeo Yesu, jeje anawahwaa kuwa wahachi usoni kwakwe.

Koro ntaku yuḍejwonse eyenahwajwa kuwa muhachi usoni kwa Muungu kwa dzambo ḍya kuiuḅa hi Sharia, kwa kwamba kazi ya hi Sharia ni kuwayanga wantu kwamba ni wanabvise.

Ni dza hivi vya haya matsoro yaneneyevyo yakyamba, “Ntaku hat̯a mumodza eye muhachi usoni kwa Muungu. Ntaku hat̯a mumodza eyenaimuka, wala eyenamulacha Muungu. Wanaad̯amu wonse wamuyatsa Muungu. Wonse watsowa tswee, na ntaku hat̯a mumodza eyenahenda mema.

Ndookomu hunakwamba Muungu anamuhwaa muntu kuwa muhachi kuuḅana ne faro eyonayo, na wala si kwa kuuḅa Sharia.

Moro, sivyo kaḅisa! Muungu anagija kuwa muhachi kwa kula dzambo aneneyeḍyo, hat̯a ikiwa kwamba wanaad̯amu wakaiya kunena nsuwe. Koro haya matsoro yamba, “Wipfonanyambia uzuka wangu, vyuuwo vyako mvya hachi; na ukinipfiika d̯ubini, wewe unashinda.”